Nunavut Tunngavik Inc. upumi tuhaqtittiut tuniyauniaqtungnik Jose Amaujaq Kusugak 2015 Ilinniariakniaktungnut.
Caroline Ipeelie-Qiatsuk, Iqalungnit Mavis Ell-lu Sallirmit atuni tuniyauniaqtuk $5,000-mik
Ilihagakhamingnut. Ipellie-Qiatsuk naunaitkutikhaqtarahurittuq Nunavut Ilihautjinirmut Iliharvianni. Ell naunaitkutikhaqtarahuaqtuq munaqhiunirmi. Tamarmik iliharniaqtuk Nunavut Ilihaqpaallirvianni.
“Quviagiyaulik Caroline Mavis-lu tuniyauniaqtillugik Jose Amaujaq Ilinniariakniaqtunut Ikayuunmik. Hamna ikayuut aulatjutauyuq Josiup akhuruunianut iliharnirmut Inuit uqauhiannullu tamarmik hakugiquplugik ilihaqtuni iliharvikyuani. Agurnainnaqtuq tamaat ihviriuriyaami ukturautinik, kihimi iliharniaqtut akimayuk umani ukiumi titigarmanik nakuuqpiaqtunik unipkagiklugu Josiup akhuruuta qanurlu ihumakhahiuriakhamingnik qulvaumatittinirmik atuqtaunianik Inuktitut inirumik ilihaqtamingnik havakpalirumiglu Nunavunmi, atauhiq ilihaiyi aippaa munaqhi,” uqaqtuq Towtongie.
Akimayukhaqhiuqtut ihivriuriut 14-nik ukturautinik. Nellie Kusugak, Josiup nuliangailaupluni tikkuaqtautinani Nunavut Kamisinaanut. Kusugatkut qitungariit auyaurihimmaaqtut ikayuutikhap aulaqtirutaanit 2011-mi. “inmi inuuhirmini havarnirminilu, Josip akhuruutigiinnaraa Inuit uqauhiit ilitquhiallu Inuit kinauniannut ilauquplugu. Akhuruunia iliharnirmut hakugikpiaqtugaluaq quviahukpiaqtunga takuplugu upiriyait havaangalu huli aulayuq,” uqaqtuq Kusugak.
Tuglik umingnia tukihautinut Jose Amauyaq Kusugak Ikayuunmik Taakhitilirvia 9, 2016. Tukhirautit piinnarialgit NTI-kut qaritauyakkuurvianit. Iuit ilihaqtut atiliuqatauhimayut
Nunavut Nunatarutaata Angirutaani iliharuminiaqtut uktuqtaqtut ikayuutikhamut.
