(Aktopa 19, 2022, Iqaluit, Nunavut) Nunavut Tunngavik Tunngavik (NTI-kut) Angayokangat Aluki Kotierk hagimagiyait ukkua Anita Ulimaumi Arviatmiutak tatvalu una Selma Ell Silliqmiutak aittoktaohimangmanik uminga Jose Amaujaq Kusugak (JAK) Itkaomayaoyok Ilihakpalikutikhanik tatvani 2022-mi.
Ukkua JAK Ilihakpaliknikut aittuikataktot $5,000.00 talanik aippagotuagangat malgoknuk (2) ilihakhimaaktonok naunaiyaktaohimayonok umma Jose Kusugak alliagihimayanik tatvalu aghokutigihimayanik ilihaknikut, ukkaohilikinikutm tatvalu pivaliutighaitnik Inuit piyunaotaitnik.
Anita unalu Selma tamakmik ilihaktok tatvani Nunavut Ilihaiyiuyumayut Ilihakpalikviatni nunamingni ilihakhutik tatvani Nunavut Ilihagiakpalikviatni ukkua ikkayokatigiikhutik ukuninga Itkaomayaoyut Ilihagiakpalikviatni tatvani Newfoundland-mi.
“Uvanga nigiogitiaktatka ilihimavlugik ukkua inolgamiik Anita unalu Selma inmikut ihomaliotiaktok ikkayotaoyughanik ikkayotaovalioktighaitnik Inuit iliitkohiktotaitnik tatvalu ukkaohiitnik.” Ukkalaktok Angayokaak Kotierk. “Tamakmik ukkua tonihihimayok onipkagiyamingnik Inuktitut tatvalu ukkaotikakhutik piyomayamingnik ilihaiyioyomavlotik tahamani Nunavumi. Kaoyimatiaktok tamakmik ayogaotaoyonik iliitpaliotighaitnik ukkaohiptingnik nutakaptinot, tatvalu ukkua Anita unalu Selma pivaligomayok ikkayogomavlotik tammaktailinahoaklugo hamna Inuktut ukkaohiptinik illihaiyioligomik ilihakviptingni.”
NTI-kut koyagiikpiaktait tamaita hapkua ilihaktot inmikut uktoghimangmata haffuminga JAK Ilihakpalikutighaitnik Aittutaitnik. Tatva kigliginiakmiya haffuma tughiktotighap haffuminga Amaujaq Kusugak ilihakpalikutighaitnik Aittutaitnik tatvani July 9, 2023.
-30-
Tuhakvighaoyok una:
Kevin Kablutsiak
Atanioyok, Tohaktitilikiyiitni NTI-kuni
Hivyaota: (867) 975-4900 / Akkitokut Hivayaota: 1-888-646-0006
