(July 9, 2020 – Iqaluit, Nunavut) – Nunavut Tunngavik Incorporated (NTI) Inuit TVkullu haqqitaat Inuit TV Nunavut Ublua tuhagakhaq.
“Atauttimi piyumayugut hakugikharutikhaanik Inuktun inuuhiinni Nunavut Inuit.” Aluki Kotierk , NTI Angayuqqangat uqaqtuq. “Quyaqpiaqtunga Inuit TVkunut tautumayariyangannut Inuit pitquhiat uqauhiallu itiqtinniarmajjuk aimaviptingnun Inuillu tuhaqtitauvagiangini uqauhiulluaqtumi aviktuqhimayuutiptingni”.
NTI atuliqtuq avatquyumayanganik $2.4 miliat, pingahuni ukiuni, hakugikharahuarlugu Inuktut, Inuit pitquhiat kinauniallu tuhaqtitauvaglutiglu Inuktut, uqauhiulluaktukkut Nunavunmi. Hajja, Inuktuutuqarluannginman Nunavut tiiviimi ajjikkuhirahuarlugu upluq tamaat tautuktauvaktunik pitquhirinngitaptingni uqauhirinngitaptingniglu. Inmiguuqluni Inuit TV ikayurutauniaqtuq ajjikkuhirahuarlugu ilihainikkut qungiaktittinikkut Inungniglu ilaupkailuni Inuktut.
Katimayiit Inuit TVium quyagiumayait amihut ikayuqtuiyut piqatauvaktullu Nunavunmit ikayuqtuqtut uvaptingnik ukiuni, atuqhugit ayunnginnitik ilihainirmi, uqauhilirinirmi qungiagakhaliurinirmilu hamna ikpingnaqtuq tautumayauvaktuq atuliqtinmajjuk,” Alethea Arnaquq-Baril, Angayuqqaq Inuit TVkuni uqaqtuq.
Hivullirmi ukiumi, Inuit TV turangayunik qungiagakhaqaqniaqtut, amigaikpallialugit 2021mi. Nanilugu Inuit TVkut qaritauyakkuurviat, uvaniluuniit inuit.tv tuharnaqhimaniaklutit.
– Nungummaa –
Turaqtittivikhaq:
Malaya Mikijuk,
Hivumuuriyi, Tuhaumatittiyini Ilihaqtuq
T: 867-975-4907
Tunngavik.com
Alethea Arnaquq-Baril,
Angayuqqaq Inuit TVkuni
inuit.tv
Mighaagut Nunavut Tunngavik Timinga (NTI)
NTI ihuarhaivaktuq munaqhivlunilu kamagiyamingnik Nunavut Angirutaani naunainniaqhimavlutiglu gavamatuqatkut aviktuqhimayunilu gavamat piliriakhamingnik pivagiakhaita.
Mighaagut Inuit TV
Inuit TVkut timiujjutigiyaat inmiguuqtumik Inuit tiiviikkut qungiagakhalirinirmik tuhaqtittiniaqtumik ilihainiaqtumik, qungiaktittiniaqtumik ilaupkainiaqtumik Inuktun huli takuhiurilutik Inuit kinauniinnik pitquhianniglu.
Nunavunmi Inuit Nunavulimaami nunaptingnilu Inuktun qungiagahaqautilutik.
Tiiviirniq nukaqhinnuagaluanut, ihumagiyauyuq atauhiuvluni amihunit uqayukhinirmut titigayukhinirmut taiguyukhinirmullu ilihautauvluni.
Qungiakpaktunik apirhuutauvaktuq 2016mi (TVNEBSkunit) ikayuqtuiyakhaita Nunavunmiut ilihautikhamik tiiviimik (ETV) qungiagakhaqarnirmik ilitturijjutauyuq akhuruurutaukpiarnianik ihuaqtunik qungiagakhanik hajja takunnaittunik Nunavunmi.
Naalautit Inuktut tuhaannaraluaqhuni ilitturiviuvakkaluaqhunilu, Inuit TV tunngaviginiaraat qungiarnaqtunik nipigiktuniglu tikiutinahuarluni tamainnut ukiuqaqtunut iliharnirmilu ihariagiyauyunik.
NTIkut Maniktuutiginiat
NTI tunihiniaqtut $2,469,578nik pingahuni ukiuni akiliqtuuttikhanik qungiagahaliurutikhanullu. Manngit NTIkunit avvagiyaat maniliugamingnit.
Maniliurutinit Atuagak, angiqtauhimayuq NTI Katimayiinnit November 2011mi, naunaiqhihimayuq avvarhautinik nungutirihimaittumiglu atuqtauniinnik maniliuganit uyagakhiurnirmit Nunavut Nunatarvium Iluani.
Maniliugat uyagakhiurnirmit avvaa turaqtitauvaktuq aulajjutikhanut avvaattauq nauvalliatjutikhanullu maningnut. Aulajjutikhat mangit tuniyauvaktu ukiuq tamaat avvahautigilugit NTImut atunilu Inuit Katimayiinnut aviktuqhimayuni.
Inuit TV Nauvalliajjutiginiarait Nunavut pivallianiannut ilihaujjinikkut havaakhatigut nunaliurutikhanullu.
