Pivalialigiyit Havakviit

IIBAmik Kinguvaktihimayut Ihuakhagiaganik Ikayuktimit

Nunavut Tunngavik Angayukaangulaktuk James Eetoolook ublumi ukaktuk NTIkut ovalo Aviktukhimayut Inuit Katutjikatingi (RIA) atuktihimayut Inuit inminiigutait ataani Nunavumi Nunataagutit Angigutaanut tunilugit ikayuktikhamut ihuakhagiaganik 16mik ukiut kinguvakhimayut iniktigutikhait Inuit Ikpinaguta ovalo Ikayugutikhait Angigutaanut Kanatami Inuuviviniit Kuugait Nunavumi. Maliklugit Ilangani 9 NLCAmi, Kavamatkut Kanatami piniaktut aivaklutik IIBAmik Inuuviviniit Kuugait Iniktukhat 1998mi.

Eetoolook ukaktait maliktut ukautainik ikpakhaani Nunavumi Maligaliuktimi Avatiligiyit Ministaa Johnny Mike, ukaktuk NTIkut munagiyukhat kinguvagutainik iniktigutikhait IIBAmik. “Aivaktivut uktukhimayut amigaitumik ukiunik iniktinahuakhugit angigutaanut Kanatami ovalo Nunavumi Kavamatkut piyaanganik pulaaktiligiyit, imait kungiagutikhait ovalo aalat kuugait ikayugutikhainik Inuit. Aivaktivut akhuukhimayut ikayugutikhainik Inuit ilihimayunik NLCAmi. Kanatami Kavamatkut tunihimayut Inuit aivalaitumik tamaat paknaiyakhimaitumik kinauyakhainik uktugutikhait atungitut ilanganut NLCAmi,” ukaktuk Eetoolook.

Kavamatkut Kanatami tuniyukhauliktut nakuuyumik kinauyakhait atugutikhainik June 30mi ovaluniit angiklutik ikayuktikhainik. IIBAmi aivakhimayut Nunavumi nani angiyumik hanatiligiyiinik, angiyumik nunait atugumayainik ovaluniit Pulaaktiligiyit ovalo Minguiktikviit Nunainik pigaagata ilaa hapkoa havaktait ikpinagilaamagit Inuit inminiigutait ovalo akiliktauniaktut Inuit.

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: