IQALUIT, Nunavut (April 14, 2009) – Nunavut Tunngaviup Timinga, Kavamanga nunavut, Ihakhimagit Inuuhirmi Katuyyiqatigiit (Embrace Life Council) uplumi havitittiut uqariyauyukhamik titigarmik attiqtauhimayumik Aturlugit qauyimayat inuuhirmilu atuqtauhimayut tunngavigilugit qanuqtuurutikhami: Uqariyauyukhaq titigaq inminiiqtailinahuarnirmut Nunavunmi. Uqariyauyukhaq titigaq hivulliuyuq tuharahuarutikhaq Nunavunmiunit ilautiyauyukhatigut atauhirmi, hivituyumi inminiiqtailinahuarnirmut apquhiugarmi.
Uqariyauyukhaq titigaq ilulilik Havakhutik Katimayit ilitturiyainnik huuq ilangit inuit inminiirniaruqittut inuhiitigut, hunallu ilitturiyauyut ihuaqtut nakuuyut ikikhilaarinirmi huiqpaktunik inminiirnirmit.
Ilautilugu titigarhimayumut, uqariyauyukhaq titigaq pingahunik atayulik: hivulliq unipkaktuq naahautinik huiqtutigut inminiirnikkut Nunavunmi 1960-mit 2008-mut, tugliq unipkaktuq iluinngaqhugu unipkariyaa inminiiqtailinik akkuqtuinirmullu ilihainirmik Nunavunmi 1994-mit uplumimut, pingahuat nainaqhimayuq hunik Havakhutik Katimayiit ilitturiyainnik inminiirniaruqittut inuhiitigut Nunavunmi.
Tunngavigilugit qauyihaiyunit ilitturiyauhimayut uqariyauhimayullu, Havaglutik Katimayiit ukuninga tunihivut qanuqtuurutauttaqtunik ilauttaqtunik inminiiqtailinahuarnirmut apquhiugami Nunavunmut:
- Aviktuqhimayumi kavamat tautumattialirlutik iqiannguittumik pivalirumik inminiiqtailinirmut.
- Inulgamiit – qayangnaqhitqiyauyut – qanuqtuurutikhanikkumik nakuutqiamik pinahuarutikhamingnik inuuhirmi ayurhautiqalirangamik, inngumainnalirangamik inminiirniarunaqhiumik ilittarimaliriamingnilu ilihimalirlutik.
- Amigaitqiat Nunavummiut ‘ihumakliqtunut akkuqhiyinnguqtaqhutik, ayurungnairlutik ilitturiyamingni qayagiyauliqtukhanik inungnik – ikayuqtikhaqaquplugit.
- Uqautjiyiunirmik ihumatigullu havaalingnit ikayuqtauvikhat hakugikhiyumiriangini.
- Nunalingni aulayut katimaqatigiit hulitjutaillu ikayuqtauyumiyaangini.
- Nunavummiut tuniyauttaqtut ilitturhautikhanik turangayunik inminiiqtailinirmut.
- Ilitturittaqtugut amihunik mighaagut, aktumayauvaktutigullu, inmiiqtarnirmit Nunavunmi – qanuqtuurutikhahiurlutalu qatangutigiinut.
Uqariyauyukhaq pinagialik Nunavut Kavamatkut Nunavut Tunngavitkullu qaritauyakkuurvinni ukunangaluuniit Katimayiuqatauyunit:
| Jack Hicks | Natan Obed | Jesse Mike |
| Nunavut Kavamanga | Nunavut Tunngavik | Ihakhimagit Inuuhirmik Katimayiit |
Ilitturiyumirumaguvit:
Emily Woods
Atanguyaukaffuktuq Tuhaumatittiyini
Nunavut Tunngavik Timinga
Talafun: (867) 975-4900 Akiituq: 1-888-646-0006
www.tunngavik.com
