(Aktopa 20, 2022, Kangikhinik, Nunavut) Hapkua Katimakataoyot Nunavut Tunngavik Timingat (NTI-kut) Katimakjuaktitlugit (AGM) nuttigiakutikakhimayut tughikvigivlugit ukkua Kavamatokatkut Nunavut Kavamatkutlu aghokpalikovlugit maligalikinikut, maligaliokutikhanik tatvalu maniktutighanik amigaikpalikovlugit hapkua ikkilivalianginaktitlugit Inuktut ukkagungnaktot. Inuktut ukkauhiit ukkua Inuktitut tatvalu Inuinnaqtun tahamani Nunavumi.
NTI-kut tughikvigingmihait tamakmik ukkua kavamatkut aghokhakovlugit havagivaliatkovlugit havagiyait ukkua Hilakjuami Katuyikatigitkut Ukkaotaohimatitlugo hapkua Piyunaotait Nunakakaktot Innutait (UNDRIP), una UNDRIP Maligak, hapkua Nunakakaktot Ukkauhiitnik Maligak, una Nunavumi Iliitagiyaohimayot Ukkauhiitnik Maligak tatvalu una Inuit Ukkauhiitnik Tammaktailitjutaitnik Maligak tatvalu tukkilivaliotighaitnik hapkua tunighimatjutait ikkayotighait pitiaklugit, angmaomatiaklutik tatvalu iggaktughimaitomik hakkugighivaliutighaitnik attokpaliakuvlugit Inuktut ukkauhiit havagiyaoyutlu ikkayotaoyotlu Inuktut tahamani Nunavumi Aviktoghimayomi .
Nunavut una avaliitok kavamatokatkut nunalangitni aviktoghimayok pittakaktok amigaiknighaoyonik Inuinaknik innugiaknighaoyut tatvalu Inuktuut Nunakakaktot ukkauhiitnik ukkauhikakhutik amigaitkiyauyut nunakaktot. Aghukutigivakaluaghutjuk hapkua Inuit ukkauhiit Inuktut atokatakhutjuk angilgaomavlutik ilihaotjivakhutik kinguvaghatik, hamna attuhia Inuktut ukkauhiitnik tahamani Nunavumi tatvalu humilikak Kanatami nungotpaliayot. Taimatut ublumi ikkilivalianginaktitlugit ukkagungnaktut Inuktut, tatva nigiogiyaoyok hivunighami ukkiumi 2050-mi, hapkua Inuktut ukkauhiit atoktaoniaktot angilgakvigiyaitni imatot 4%-mik Inukniit tahamani Nunavumi. Taimaitjutaolikmat, atoktaonginalikmata Kaplunaatut tatvalu Uiiuiititut ukkauhiit Nunavumiut Inuitniit.
Uttaktiitpalianahuaklugu tatvalu uttiktitpalianahuaklugit ikkilivalianinga Inuktut ukkagunaktot taimailivalianginalikmat tatvalu aghokatigikpalianinganik hapkua Nunakakaktot Innutait ihumagivlugit tatvalu uktutigiyagiakaliktaat hapkua kavamauyot naunaitiaghimayonik ihoaghaotighaitnik tatvalu havagivalialugit piikpaliatjutighaitnik hapkua Kanatami taimani ayoghaotaovakhimayot tatvalu ublumioyok atoktaohimaaktonik maligaitnik illaliutilogit hapkua taimani ilihagiaktitaohimatitlogit ayoktaotaovaghimayot .
-30-
Tuhakvighaoyok una:
Kevin Kablutsiak
Atanioyok, Tohaktitilikiyiitni NTI-kuni
Hivyaota: (867) 975-4900 / Akkitokut Hivayaota: 1-888-646-0006
