ᓄᓇᕗᑦ ᑐᙵᕕᒃᑯᑦ ᓇᓗᓇᐃᖅᓯᔪᑦ 2026-ᖑᑎᓪᓗᒍ ᓄᓇᕗᑦ ᐅᓪᓗᖓᓂ ᖃᒧᑕᐅᔭᖅᑖᖅᑐᑦ ᑎᓴᒪᓕᓐᓂᓪᓗ
(ᐋᒡᒌᓯ 18, 2026 – ᐃᖃᓗᐃᑦ, ᓄᓇᕗᑦ) ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᑦ (ᑐᙵᕕᒃᑯᑦ) ᖁᕕᐊᓱᓪᓗᑎᒃ ᓇᓗᓇᐃᖅᓯᕗᑦ ᓵᓚᒃᓴᐅᓯᐊᖅᑐᓂᒃ 2026-ᖑᑎᓪᓗᒍ ᓄᓇᕗᑦ ᐅᓪᓗᖓᓂ ᖃᒧᑕᐅᔭᖅᑖᖅᑐᑦ ᐊᒻᒪᓗ ᐱᓲᑎᑲᓪᓚᓐᓂᒃ ᐊᒧᓱᓂᒃᑯᑦ.
ᓄᓇᕗᕐᒥᐅᑦ ᐃᓄᐃᑦ ᐊᑎᖃᖃᑕᐅᔪᑦ ᓄᓇᕗᒥ ᐊᖏᖃᑎᒌᒍᑎᖓᒍᑦ ᐊᑎᓕᐅᖅᑕᐅᑲᐅᑎᒋᖕᒪᑕ ᓵᓚᒃᓴᐅᓯᐊᕋᓱᐊᕐᓂᕐᒧᑦ ᓇᓕᐊᓐᓂᒃ ᐊᑕᐅᓯᕐᒥᒃ ᓄᓇᓕᓐᓂ ᐱᔭᐅᓇᓱᒃᑑᓐᓂᒃ: ᖃᒧᑕᐅᔭᖅ Expedition Sport 900 Ace ᐅᒡᕙᓘᓐᓃᑦ ᐱᓲᑎᑲᓪᓚᖕᒥᑦ TRX520FM1T Foreman. ᐊᒧᓯᓃᑦ ᑲᔪᓯᓚᐅᖅᑐᑦ ᐊᑐᕐᓗᑎᒃ ᓂᕈᐊᕈᓐᓇᐅᑎᒥᒃ. ᑮᓇᐅᔭᖃᖅᑎᑕᐅᓚᐅᕆᓪᓗᑎᓪᓗ Nutrition North ᑲᓇᑕᒥ ᓂᕿᑦᑎᐊᕙᓕᕆᔨᒃᑯᑦ ᐅᑭᐅᖅᑕᖅᑐᒥᐅᓄᑦ ᓂᕿᒃᓴᖅᓯᐅᖅᑎᓄᑦ ᐃᑲᔫᑎᒥᒃ ᑮᓇᐅᔭᑎᒍᑦ.
ᓵᓚᖃᐅᓯᐊᖅᑐᑦ ᖃᐅᔨᒃᑲᐃᖁᔭᐅᕗᑦ ᓄᓇᓕᖏᓐᓂ ᑐᑦᑕᖅᕕᒋᔭᐅᔪᓂᑦ, ᑐᓂᓯᓂᐊᕐᒪᑕ ᓵᓚᖃᐅᓯᐊᖅᑐᓄᑦ ᐸᐃᑉᐹᖏᓐᓂᒃ ᑐᓴᖅᑎᑕᐅᑦᓯᐊᕋᓗᐊᕐᒪᖔᑕᓗ ᖃᖓᒃᑯᓪᓗ ᐊᑐᐃᓐᓇᐅᓂᐊᓕᕋᓗᐊᕐᒪᖔᑕ ᐊᐅᓪᓚᖅᑎᑕᐅᔪᓐᓇᖅᓯᓗᑎᒃ. ᐱᔭᕆᐊᖃᕈᓂ, ᓵᓚᖃᐅᓯᐊᖅᑐᑦ ᐊᐱᕆᔭᐅᓂᐊᕆᕗᑦ ᐅᓪᓗᒥᓕᓴᕐᒥᒃ ᑐᕌᕈᑎᖏᓐᓂᒃ.
ᖃᒧᑕᐅᔭᐃᑦ ᐱᓲᑎᑲᓪᓚᐃᓪᓗ ᑎᑭᒃᕕᒃᓴᖏᑦᑕ ᐅᓪᓗᖏᓐᓂᒃ ᓄᓇᓕᓐᓄᑦ ᐊᔾᔨᒌᙱᖕᒪᑕ.
ᓵᓚᖃᐅᓯᐊᒃᓴᐃᑦ ᐊᑐᐃᓐᓇᕈᖅᑎᑕᐅᓂᐊᖅᑐᑦ ᐱᖃᓯᐅᑎᓗᒋᑦ ᓄᓇᕗᑉ ᐅᓪᓗᖓᓂ ᓵᓚᖃᐅᓯᐊᖅᑐᓄᑦ ᒪᓕᒐᖏᓐᓂᒃ. ᒪᓕᒐᖏᑦ ᓇᓗᓇᐃᔭᖅᓯᒪᔪᑦ ᑭᒃᑯᑦ ᐱᔪᓐᓇᖅᑎᑕᐅᖕᒪᖔᑕ, ᖃᖓᒃᑯᑦ ᑐᓂᓯᔭᕆᐊᖃᕐᓂᕐᒧᑦ, ᐱᒻᒪᕆᐅᔪᓪᓗ ᒪᓕᒃᑕᐅᔭᕆᐊᓖᑦ, ᐱᖃᓯᐅᑎᔪᑦ ᐱᖁᑏᑦ ᑐᓂᔭᐅᔪᑦ “ᑕᐃᒫᒃ ᐱᔭᐅᖕᒪᑕ ᑕᐃᒪᐃᓕᖓᔪᖅ” ᓇᓪᓕᐅᒃᑯᒫᖃᙱᓪᓗᑎᒃ ᐅᒡᕙᓘᓐᓃᑦ ᓱᓕᓂᕋᕈᑎᒥᒃ ᓄᓇᕗᑦ ᑐᙵᕕᒃᑯᓐᓂᑦ.
ᓵᓚᒃᓴᐅᓯᐊᖅᑐᑦ ᑐᓂᔭᐅᓂᐊᕐᒥᔪᑦ ᓄᑖᒥᒃ ᐃᖏᕐᕋᔾᔪᑎᒧᑦ ᑐᓴᐅᒪᔭᐅᔭᕆᐊᓕᖏᓂᑦ ᓇᓗᓇᐃᖅᓯᓯᒪᔪᓂᒃ ᐊᑭᖓᑕᓗ ᓂᐅᕕᐊᖑᔫᓪᓗ ᓇᓕᖅᑲᖓᓂᒃ.
ᓄᓇᕗᑦ ᑐᙵᕕᒃᑯᑦ ᑲᔪᖏᖅᓴᐃᕗᑦ ᓄᓇᕗᕐᒥ ᐊᑎᖃᖃᑕᐅᔪᓂᒃ ᐃᓄᓐᓂᒃ ᑐᕌᕈᑎᖏᑦ ᐅᓪᓗᒥᒨᖓᑦᓯᐊᕋᓗᐊᕐᒪᖔᑕ ᑭᖑᕙᖅᓯᒪᖁᓇᒋᑦ ᓯᕗᓂᒃᓴᐅᓂᐊᖅᑐᒧᑦ ᑎᑎᖅᑲᐅᓯᐊᖑᓂᐊᖅᑐᑦ ᓵᓚᒃᓴᐅᓯᐊᕋᒃᓴᓄᓪᓗ ᐱᕕᖃᖁᓪᓗᒋᑦ.
ᐱᖃᓯᐅᑎᓗᒍ ᐊᑏᑦ, ᐊᑎᖃᖃᑕᐅᓂᕐᒧᑦ ᓈᓴᐅᑏᑦ, ᑐᕌᕈᑏᓪᓗ ᓄᑖᕈᕆᐊᖅᓯᒪᔪᖅ. ᐱᓕᕆᔩᑦ ᖃᐅᔨᒋᐊᑐᐃᓐᓇᕆᐊᖃᖅᐳᑦ ᐱᔭᕆᐊᖃᕈᑎᒃ.ᐅᐱᒋᔭᐅᕗᓯ 2026-ᖑᑎᓪᓗᒍ ᓵᓚᒃᓴᐅᓯᐊᖅᑐᓯ !
-30-
ᑐᓴᕋᒃᓴᓕᕆᓂᕐᒧᑦ ᐅᖃᖅᕕᒃᓴᖅ
ᐋᓂ ᑖᒻᓕᓐᓴᓐ
ᐊᐅᓚᑦᑎᔨ ᑐᓴᒐᒃᓴᓕᕆᔨᓄᑦ
ᓄᓇᕗᑦ ᑐᙵᕕᒃᑯᑦ ᑎᒥᖁᑎᖓᑦ
