(ᓯᑏᕝᕙ 25, 2025 – ᐃᖃᓗᐃᑦ/ᑲᖏᖅᖠᓂᖅ, ᓄᓇᕗᑦ) ᓯᕗᓂᐊᒍᑦ ᑲᓇᑕᒥ ᓱᓕᔪᕐᓂᐊᕐᓂᕐᒧᑦ ᐊᒻᒪᓗ ᐃᓱᒪᒋᔪᓐᓇᐃᖃᑎᒌᓐᓂᕐᒧᑦ ᐅᓪᓗᖓᓂ (ᓯᑏᕝᕙ 30th) ᓄᓇᕗᑦ ᑐᙵᕕᒃ ᑎᒥᖓᑕ ᐊᓪᓚᕝᕕᖏᑦ ᓄᓇᕗᒻᒥ ᑐᓂᐅᖅᑲᐃᓛᖅᑑᑦ ᐊᐅᐸᕈᔪᒃᑐᓂᒃ ᐅᕕᓂᕈᕐᓂᑦ ᒪᒃᑯᑦᑐᑦ ᐊᑐᓲᖏᑕ ᐊᖏᓂᓕᓐᓂᒃ ᐃᖅᑲᐅᒪᒋᓗᒋᑦ ᐃᓕᓐᓂᐊᕆᐊᖅᑎᑕᐅᕙᓚᐅᖅᓯᒪᔪᑦ ᐊᓂᒎᑎᓕᒥᓃᑦ, ᓇᓪᓕᐅᓐᓂᖅᓯᐅᓯᓐᓈᑦ ᐱᐅᔫᓂᖏᑦ ᓄᑕᖅᑲᕗᑦ ᐃᓕᖅᑯᓯᕗᓪᓗ.
ᑕᒫᓂ ᐊᕐᕌᒍᒥ ᐊᐅᐸᕈᔪᒃᑐᑦ ᐅᕕᓂᕈᑦ ᑎᑎᖅᑐᒐᖅᑕᐅᓯᒪᔪᑦ ᐊᕐᕕᐊᕐᒥᐅᑕᒧᑦ ᐊᒥᓱᓂᒃ ᐊᑐᖅᑐᓂ ᓴᓇᙳᐊᒐᕈᑎᓂᒃ ᐊᑐᓲᖅ ᓄᒃ ᓕᓐᑎᐅᓪᒧᑦ, ᕼᐃᓈᓂ ᑎᑎᖅᑐᒐᖅᑎᖏᓐᓂᒃ. “ᑕᕐᕋᓕᑭᑖᖅ ᑎᑎᖅᑐᒐᐅᔭᖅᓯᒪᔭᕋ ᑭᒡᒐᖅᑐᐃᔪᖅ ᐱᐅᔪᑯᓗᒻᒥᒃ ᐊᒻᒪᓗ ᐊᓯᔾᔨᕐᓂᕐᒥᒃ. ᐃᓄᒃ ᕿᑎᐊᓃᑦᑐᖅ ᐊᓈᓇᑦᓯᐊᕐᓃᙶᖅᓯᒪᔪᖅ ᑎᑎᖅᑐᒐᕈᒪᓯᒪᓪᓗᒍ ᐊᒻᒪᓗ ᑎᑎᖅᑐᒐᐅᔭᐅᓯᖓ ᐊᑐᕈᒪᓯᒪᓪᓗᒍ. ᐅᖃᐅᓯᖃᒃᑲᔪᓚᐅᕐᒪᑦ ᐃᓄᙳᐃᓂᕐᒥᒃ ᐊᒻᒪᓗ ᐱᒻᒪᕆᐅᓂᖓᓂᒃ ᐱᕈᖅᓴᐃᓗᓂ ᓄᑕᖅᑲᓂᒃ ᑕᒪᐃᓐᓂ ᐃᓅᑦᑎᐊᕈᓐᓇᕐᓂᓕᒫᖏᓐᓂᒃ ᐃᓅᒋᐊᖃᕐᒪᑕ,” ᐅᖃᖅᑐᓂ ᓄᒃᔅ. “ᑕᒪᐃᓐᓂ ᐃᓅᓪᓗᓂ ᐃᓄᒻᒪᕆᐅᓯᓐᓈᕐᓗᓂ ᑐᑭᓕᒃ ᐃᓕᓐᓂᐊᕆᐊᖃᕋᑦᑕ ᐃᓄᐃᑦ ᐃᓕᖅᑯᓯᖓᓂᒃ.”
ᓄᓇᕗᑦ ᑐᙵᕕᒃ ᑎᒥᖓᑕ ᐃᖅᑲᓇᐃᔭᖅᑎᖏᑦ ᑐᓂᐅᖅᑲᐃᓛᖅᑐᑦ ᐅᕕᓂᕈᕐᓂᑦ ᐃᖃᓗᓐᓂ ᐊᒻᒪᓗ ᑲᖏᖅᖠᓂᕐᒥ ᐊᓪᓚᕝᕕᖏᓐᓂ ᐅᓪᓗᕈᓗᑐᐃᓐᓇᐅᓕᖅᑲᑦ, ᓯᑏᕝᕙ 26th ᐱᒋᐊᕐᓗᒍ 10:00 ᐅᓪᓛᒃᑯᑦ ᓄᓇᓕᓐᓂ ᓯᕿᙳᔭᖏᑦ ᒪᓕᓪᓗᒋᑦ, ᓄᖑᒐᓱᐊᕐᓂᖏᓐᓂ ᑐᓂᐅᖅᑲᐃᓛᖅᑐᑦ. ᐃᖃᓗᒃᑑᑦᓯᐊᕐᒥ ᐅᕕᓂᕈᐃᑦ ᑐᓂᐅᖅᑲᖅᑕᐅᓯᒋᐊᕇᖅᓯᒪᓕᖅᑐᑦ.
ᑭᓱ: ᐊᐅᐸᕈᔪᒃᑐᑦ ᐅᕕᓂᕈᑦ ᑐᓂᐅᖅᑲᖅᑕᐅᓂᖏᑦ (ᐊᖏᓂᓖᑦ ᒪᒃᑯᑦᑐᓄᑦ ᓈᒻᒪᒋᔭᐅᓗᑎᑦ ᒥᑭᔪᑦ−ᐊᖏᓂᖅᐹᖓᓄᑦ)
ᓇᒥ: ᓄᓇᕗᑦ ᑐᙵᕕᒃ ᑎᒥᖓᑕ ᐊᓪᓚᒡᕕᖏᓐᓂ ᐃᖃᓗᓐᓂ ᐊᒻᒪᓗ ᑲᖏᖅᖠᓂᕐᒥ
ᖃᖓ: ᐅᓪᓗᕈᓗᑐᐃᓐᓇᖅ, ᓯᑏᕝᕙ 26th ᓯᕿᙳᔭᖅ 10:00 ᐅᓪᓛᒃᑯᑦ ᓄᓇᓖᑦ ᓯᕿᙳᔭᖏᑦ ᒪᓕᑦᑐᒋᑦ
ᓱᒻᒪᑦ: ᑲᓇᑕᒥ ᓱᓕᔪᕐᓂᐊᕐᓂᕐᒧᑦ ᐊᒻᒪᓗ ᐃᓱᒪᒋᔪᓐᓇᐃᖃᑎᒌᓐᓂᕐᒧᑦ ᐅᓪᓗᖓ
ᐱᕙᓪᓕᐊᔪᓕᕆᔨᒃᑯᓐᓄᑦ ᖃᐅᔨᒋᐊᕐᕕᒃᓴᖅ:
ᐃᕙᓗᐊᕐᔪᒃ ᒥᐅᕆᑦ
ᑐᑭᒧᐊᑦᑎᑦᑎᔨ ᑐᓴᐅᒪᔪᓕᕆᔨᒃᑯᓐᓄᑦ
ᓄᓇᕗᑦ ᑐᙵᕕᒃ ᑎᒥᖓ
