ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᐅᖃᖅᑐᖅ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᐋᒡᓃᑯ ᐄᒍᕐ ᐅᔭᕋᖕᓂᐊᖅᑏᑦ ᓕᒥᑎᑦ ᒫᓐᓇᓵᖅ ᐱᐊᓂᒃᓯᔪᖅ ᒪᓕᒃᑎᒋᒃᑐᓂᒃ ᐊᔾᔨᒌᖏᑦᑐᑎᓂᒃ ᐊᖏᕈᑎᓂᒃ ᐱᓪᓗᒍ ᑕᒪᓐᓇ ᕿᓂᕐᓂᕐᒧᑦ ᐊᒻᒪᓗ ᐅᔭᕋᖕᓂᐊᕐᓂᕐᒧᑦ ᐃᓄᐃᑦ ᓇᖕᒥᓂᖁᑎᖏᓐᓂᒃ ᓄᓇᓂ.
ᐱᑕᖃᓕᖅᑐᖅ ᓐᓇ 15-ᓂᒃ ᐅᔭᕋᒃᓴᔭᓄᑦ ᕿᓂᕐᓂᕐᒧᑦ ᐊᖏᕈᑎᓂᒃ ᐊᑯᓐᓂᖓᓐᓂᒃ ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᐋᒡᓃᑯ ᐄᒍᕐ ᐅᔭᕋᖕᓂᐊᖅᑏᑦ ᐱᔪᓐᓇᕈᑎᐅᔪᖅ ᕿᓂᕐᓂᕐᓂᒥᑦ ᐊᖏᓂᖃᖅᑐᒥᑦ ᐃᒪᓐᓇ 110,241 hectares ᐃᓄᐃᑦ ᓇᖕᒥᓂᖁᑎᖏᓐᓂ ᓄᓇᓂ ᐃᓗᐊᓂ ᑭᕙᓪᓕᖅ. ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᐊᒻᒪᓗ ᐋᒡᓃᑯ ᐄᒍᕐ ᐅᔭᕋᖕᓂᐊᖅᑏᑦ ᐊᑎᓕᐅᖃᑕᐅᓚᐅᖅᑐᑦ ᐅᔭᕋᒃᓴᔭᓄᑦ ᓴᓇᓂᕐᒥᑦ ᐊᑐᖅᑐᐊᕈᑎᓂᒃ ᐊᖏᓂᖃᖅᑐᒥᑦ ᐃᒪᓐᓇ 114 hectares ᑕᐃᑲᓂ ᐊᐳᖅᑎᓐᓈᖅᑑᖅ ᒎᓗᓄᑦ ᐅᔭᕋᖕᓂᐊᕐᕕᐊᓂ ᓄᓇᒥ, ᖃᐅᔨᒪᔭᐅᔪᑦ ᒪᑯᐊ ᓄᓇᐅᑉ ᐃᓗᐊᓂ ᐱᑕᖃᖅᑐᑦ ᐅᔭᕋᒃᓴᔭᓂᒃ. ᓴᓇᓂᕐᒧᑦ ᐊᑐᖅᑐᐊᕈᑎᑦ ᓄᓇᓂᒃ, ᐱᔪᓐᓴᖅᑎᑦᑎᔾᔪᑎᐅᔪᖅ ᓂᐅᕐᕈᑎᒃᓴᓕᐅᕐᓂᕐᒧᑦ, ᓯᕗᓪᓕᖅᐹᖅ ᑕᒪᓐᓇ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐃᓯᕐᕕᒋᔭᖓ ᐊᓯᖏᑦᑕ ᑲᒻᐸᓂᐅᔪᑦ ᐱᓪᓗᒋᑦ.
ᐋᒡᓃᑯ ᐄᒍᕐ ᐅᔭᕋᖕᓂᐊᖅᑏᑦ ᓄᓇᒥ ᐃᓗᐊᓂ ᓇᓂᓯᒪᔭᖏᑦ ᐅᔭᕋᒃᓴᔭᑦ ᒪᑐᐃᖓᔪᖅ-ᐃᓗᐊᓄᑦ ᐊᐅᓚᑕᐅᔪᖅ ᐅᖓᓯᖕᓂᖃᖅᖢᓂ 9 -ᑭᓛᒥᑕᓂᒃ ᐅᐊᖕᓇᖅᐸᓯᐊᓂ ᐊᐳᖅᑎᓐᓈᖅᑑᑉ ᐱᓕᕆᕕᐊᓂ ᑕᐃᑲᓂ. ᓄᓇᐅᑉ ᐃᓗᐊᓂ ᐱᓕᕆᐊ ᐅᓪᓗᐊ ᐊᖅᑭᒃᑕᐅᓯᒪᔪᖅ ᐃᒪᓐᓇᐃᓕᖓᓂᐊᖅᖢᓂ ᐊᐅᓚᑦᑎᕕᓪᓚᕆᐅᓂᕐᒥᑦ ᐅᔭᕋᖕᓂᐊᕐᕕᐅᓗᓂ ᑕᐃᑲᓂ ᐊᐳᖅᑎᓐᓈᖅᑑᒥ 2015-ᖑᓕᖅᐸᑦ ᑭᓯᐊᓂ ᐃᓱᐊᓄᑦ ᐊᐅᓚᓗᓂ ᐅᔭᕋᖕᓂᐊᕐᕕᒃ. ᐋᒡᓃᑯ ᐄᒍᕐ ᐅᔭᕋᖕᓂᐊᖅᑏᑦ ᑮᓇᐅᔭᖃᖅᑎᑦᑎᔪᖅ ᐃᒻᒪᖄ ᐊᒥᓲᓂᖃᖅᑐᓂᒃ ᐃᒪᓐᓇ $41-ᒥᓕᔭᓐ ᐊᒥᐊᓕᒃᑲᐃᑦ ᑮᓇᐅᔭᖏᓐᓂᒃ ᐊᑐᖅᖢᑎᒃ ᓴᖅᑭᑦᑎᓂᕐᒥᑦ ᐅᓗᐊᓄᑦ ᐃᓂᖃᖅᑐᒥᑦ ᓄᓇᐅᑉ.
” ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᑲᑎᒪᔨᖏᑦ ᐊᖏᖅᓯᓚᐅᖅᑐᑦ ᓄᓇᕗᑦ ᑐᓐᖓᕕᒃ ᑎᒥᖓᑦᑕ ᐅᔭᕋᖕᓂᐊᕐᓂᕐᒧᑦ ᐊᑐᐊᒐᓂᒃ ᑎᓴᑉᐸ 1997, ᑐᑭᓯᓇᑦᑎᐊᖅᑐᓂᒃ ᑐᓂᓯᒪᓂᕐᒥᑦ ᐃᑲᔪᖅᑐᐃᓂᕐᒥᓪᓗ ᐱᔭᓪᓕᐊᓂᖏᓐᓂᒃ ᐅᔭᕋᒃᓴᔭᓄᑦ ᐱᔾᔪᑎᒃᓴᓂᒃ ᓄᓇᕗᒥ ᐃᒪᓐᓇᐃᑦᑐᖃᖅᐸᑦ ᐊᖏᔪᒥᑦ ᐅᖓᓯᒃᑐᒧᑦ ᐊᑐᕐᓂᐊᖅᑐᓂᑦ ᐃᓅᓯᓕᕆᓂᕐᒧᑦ ᐊᒻᒪᓗ ᒪᑭᒪᐅᑎᒃᓴᓄᑦ ᐱᕙᓪᓕᐊᔪᑎᒍᑦ ᐃᑲᔫᑎᓂᒃᐅ ᐃᓄᖕᓄᑦ, ᐊᒻᒪᓗ ᓇᓕᒧᑦᑎᐊᕐᓗᑎᒃ ᓴᐳᓪᓕᓂᐅᔪᑦ ᐱᕈᒃᑲᓐᓂᖅᐸᒃᑐᓂᒃ ᒪᑭᒪᐅᑎᖏᓐᓂᒃ ᓄᓇᕗᑦ. ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ ᐃᓂᓐᓚᐃᓂᒃᑯᑦ ᐊᑐᐊᒐᖏᑎᒍᑦ. ᖁᕕᐊᓱᒃᑐᖓ ᐅᑯᐊ ᓄᓇᕗᑦ ᑐᓐᖓᕕᒃ ᑎᒥᖓᑦ ᐊᒻᒪᓗ ᐋᒡᓃᑯ ᐄᒍᕐ ᐅᔭᕋᖕᓂᐊᖅᑏᑦ ᐱᓕᕆᖃᑎᒌᑦᑎᐊᕐᓂᖏᓐᓂᒃ ᐊᑕᐅᑦᑎᒃᑯᑦ ᑲᑐᔾᔨᓪᓗᑎᒃ ᐅᔭᕋᖕᓂᐊᕐᓂᕐᒧᑦ ᐱᔭᓪᓕᐊᔪᑎᒍᑦ,” ᐅᖃᖅᑐᖅ ᑕᐅᑐᖏ.
