TAIMA TB nutaanguyuq aanniaqtailiniqmut aullaqtitaunahuaq April-mi Iqalungni ikayuutauniaqtuq aanniaqtailiniqmut puvaklungniqmut TB-mik Nunavunmi. Hapkua hanayauyut malrungnik atuqtaghalik.
Hivulliqmit 1 hanayauyunit ihumagilluaqpagait TB-mik ilitturiyauquplugu Iqalungni nunaqatigiit katimapkaqlugit, katimaqatigiit, tuhaqtittiyitlu (qaritauyakkut, qunngiakkut, qaritauyakkuu). Nunallaanit katimaqatigiit katimanahuat April 5-mi, 2011, Iqalungni, ilauyumayuqaqqat hivayaqlugu TAIMA TB havakviat talvani 975-4813.
Aippaanik 2 ukkuanguyuq TB-mik ilitturitjutigiplugu nunaqatigiit hakugighaqhugit inmikkullu munaqhipkainahuaqhugit aimavingnit naunaiqhitiplugit pulaaqhugit, ihivriuqhugitlu uummaqtittailiplugit TB aanniarut (LTBI). Havaktuqarumagumi TB-mik Akimayumayumik takulugu havaaghanut naunaitkutit talvani (www.tunngavik.com) hivayaqlugitluuniit TAIMA TB 975-4813.
Taima TB hanayauyuq aullaqtitauniaqtuq April 28-mi, 2011 nunaqatigiit niripkailugit, ilittuqhitilugit TAIMA TB-mik nunaqatigiingnut, nunaqatigiiklu unipkaaqvigiinnarialgit atuqhimayainik TB-nut.
Taima TB kiinauyaqhaqpaktuq Kanatami Aanniaqtailiyiinit. Ikayuqtigiik taapkua Kavamatkut Nunavunmi, Nunavut Tunngavik Timingat, Ottawa-mi Aanniaqviat Qauyihaiyitlu Ilihaqpaallivianit Ottawa-mi; Inuit Tapiriit Kanatami; Nunaqaqqaaqhimayut Aanniaqtailiniqmut Katimayiit; taamnalu New Brunswick Lung Association.
