For Immediate Release
(November 20mi, 2025 – Iqaluit, Nunavut) Nunavut Tunngavikkut Angayukaak Jeremy Tunraluk ilitagiyumayaa John Main niguaktaugami Hivuliktimut Nunavumi ovalo Ilaukatigiliktait niguaktauyut Atanguyait Katimayiinut.
“Nalungigaakhimayaga Hivulikti Main, inminik ovalo havakatigiikhimaplugu amigaitunik ukiunik. “Nalungivlugulu Inuit ikpigiyainik atugutainik ukatiit Inuktut,” ukaalakhuni Angayukaak Tunraluk. “Ovalo, ukpigiyainut atugutainik Maligaliuktit Maligaliukvimi, mamiahuktugut Nunavumi pikaguimata Inumik ilauliktut anginikhaami angikatanialiktut Nunakyuami, ilauyuk Hivuliktikyuak, hivulimi Hivuliit Ministait Katimayuktut ovaluniit Katimayiit Hivuliktikyuat. Ublum piyukhauliktugut hanatjutainik ovalo hakugikhitjutikhainik ilaukatautjutivut atugutainik Inuit ilaukatauliklutik angiktigutainut inuuhivut ovalo hivunikhavut.”
Ataani Nunavut Tunngavikkut Inungnik Makipalliatittiniq hitamani-ukiut uktugutikhainik hivuliutihimayut, Inuktut ilitagiyauhimaliktuk pitkuplugit Kavamatutkut Nunavumi piliklutik Inuit nutakat ayoilaagutainik Inuktut nutagauplutik iniktigutainut ovalo havakviit ovalo hivuliktiit munagitjutainik tamaat Inuukatigiigutiptinut havaktiit atugutainik Inuit ukautainik ovalo Inuuhitjutait. Hivulikti Main, inminik ukaalakhimayuk ikayugutainik atugaagamik Inuktut ilihhagutainit.
Inikpiakhimayut ilanganut Katujjiqatigiinniq Maliktakhaa, ilaukatautjutainik Nunavut Tunngavikkut ovalo Kavamatkut Nunavumi hakugikhimaliktuk ukiugaaluni. Nunavut Tunngavikkut pitkutliktut nutaanut kavamatkuit ilitagihimalugit piyakhainik katimakatigilugit ilamik, ukakatigiyaanganik ilaukatigiyainik hivuliuyukhanik havaagutikhait mikhaanut Inuit naamaktigutikhait, munagilugit iglukhaituligutit ovalo havakatigiigutikhainik ayokhagutigiliktait, kaaktutigutit, kagitainut aniagutit, Inuktut utiktinahugutait ovalo tamaat iniktigutikhainut ilanganiitut Nunavumi Nunataagutit.
“Nunavut Tunngavikkut pakhaiyakhimaliktut havakatigitjutikhainik akhut ovalo inikpiakhimalugit Hivuliktimut Main ovalo Atanguyat Katimayiit,” ukaalakhimayuklu Angayukaak tuklia Paul Irngaut. “Ilaukatigiiluta, hanalaaktugut Nunavumik nani Inuit ukauhiit, hivuliktigutait ovalo nangminiigutait takuhimaliktut tamaat kavamatkuni, ovalo nani nutakavut ovalo ingutavut inikniguliklutik atugutainut hakugikhitjutait Inuktut.”
-30-
Pivalialigiyiit Takulaaktut:
Ivaluarjuk Merritt
Atanguyak Tuhaktiligiyiit
Nunavut Tunngavikkuni
