Pivalialigiyit Havakviit

Nunavut Tunngavik Katimaqpaqyuangga Umiqtirutaa

(November 23, 2009 -Iqaluit, Nunavut) Ilauyut Nunavut Tunngavik Katimaqpaqyuangganni umiqtiqtuq katimatjutaata Iqalungni ipakhaani.  Hivulliutigiyaat ilauyut anggiqatiriingmata ikiqlikhugit ilauyukhat aipaaganni katimangmata.  NTI Anggiyuqqaanga Paul Kaludjak uqaqtuq nutaamik AGM atuqtakhaat katimaligaigumik piyut nakuuyumik katimariagannik.

“Quviahuqtunga uqarumaplugu iniqtiqtavut havaakhat tikitjutigiplugitlu hivunikhat ikiqliraluaqtillugit ilauyut inihainnakhutiklu,” uqaqtuq Kaludjak, ilitturikuplugulu katimatjut iniqtiqtuq uplumik vatkutjutaani talvamit ihumaliuqtamingni.  “Uvvarut ikayuluanggitavut ittutut nunavunmut nunatarnikkut ilauyut ikiqliyaagaptigit ilauyukhat hamani ikpanmi.  Nutaaq atuqtakhaq pipkainiaqtuq uvaptingnut nakuuyumik kivraqtuiyaaptingni uqautigilugitlu ihariagiyait Inuit uvvarut havaktiaqniagaptigit ihumagiyauyut tahapkunanit aviktukhimaviitni ilauyut.”

NTI kut piinnakhimmaangniaqtut qunngiaqattaqlugit qanuktut havaktakhaitnik aulatjutitkhait katimayiitnit Aviktuhimaviitnilu Inuit Katimayiinggit talvani itilluni Qanitqiangnik Inuinnaqnun ihivriugutaani pihimayuq atulihaaliqtilluni una uqiuk.  Ihivriugut piyut imaa aatjiliuqattalimaittaaginnik titiqqanik nakuuyumiklu kangirhipkailutik havaanggit NTI kut Aviktukhimaviitlu Inuit Katimayiinggit.

Titiqqat pitjutihimayut arnanit, Iniknikhanit inuulramiitlu kivraqtuinggit Aviktuhimaviitni Inuit Katimayiinggitnit nakuuyumiklu pihimayut. Ilauyut qanggiutiyut itkuumayumaplutik inuit ihumagiyaitnik nakuuqpiaqtumiklu havaktaunahuaqlugit.

“Kivraqtuiyut tunihivaqtut nunallaat ihumagiyaitnik katimatjutiptingni.  Uvvarut ikayungnahuaqlugit piyukhauyugut piinnaqattaqlutalu taimaatun, qinikhiaqlutalu nakuutqianik piluta ikayuqtauyaaginni inuit ihumagiyaitnik maniliugutiumayaitniklu ihumagiyaitnik tuhaapkaiyumayaitnik,” uqaqtuq Kaludjak.

AGM mi ilauyut tuhaqtitauyutlu qunggiaqtitauplutik kivraqtuiviyitni aallani katimayiigitnit, ilaliutigiplugulu Nunavut Hivuliqtinga Eva Aariak.  Kaludjak uqaqtuq puiruqtaurarhaungginmat nunattiami kavamatuqainnilu kavamangganni itkuumayukhaungmatta havaamingni kivraqtuiyiungmatta ilaa Inungnun.

“Uvvarut havakhimaaqatigiyakhavut Nunavut Kavamanga kavamatuqaitlu havaagiyaaptingni piumayaitnik Nunavunmiut, puiguqunggiplugitlu havalimaittut avaliittumik Inuit ihumagiyaitnik,” uqaqtuq Kaludjak.

Ilauyut anggiqatiriiktaatlu piumayauyuq maniit aturarhaitnik uqiugatnut 2010/11.  $41 miliantaala maniit atuqtakhaitnik maningnik ikayuutigivaqtait NTI kut, RIA kut, Inuit Ingilraangnitanik Maniit Tutkuumaviatni hulitjutikhamingnik talvani uqiuganni 2010/11 mi.

NTI Aulatjutikhait Uqiuganni 2010-2011                                            $ 20,771,447

Kitikmeot Inuit Katimayiinga                                                               $   4,479,276

Kivalliq Inuit Katimayiinga                                                                  $   3,926,106

Qikiqtani Inuit Katimayiinga                                                                $   5,086,476

Inuit Ingilraangnitanik Maniit Tutkuumavia                                           $   1,071,547

Nunatarnikkut Ilauyut Ikayuutikhait Pangnaiyautaa                               $     900,000

Nunallaani Havaktiit
– QIA $  1,390,461

– KivIA                                                           $     707,430

– KitIA                                                           $     456,335

Aaallat Maningnik Atuqtauyumayauyut                 $ 2,579,572

____________________________________________________________________

ATTAUTIMUT MANIIT ATUQTAUYUMAYUT NUNAVUT UTKUUMAVIANIT     $ 41,368,649

AGM ilauyumavikhaat anggiktaatlu qunggiaqtauhimayuq maniit atuqtamingnik titiqangga aipaagani qungiaginnarialrit talvani 2009 NTI kut Uqiuk Tamaat Titiraanni uumani www.tunngavik.com.