Toninagiktukhak
(March 7-mi 2025-mi Ikalokni, Nonavumi) Nonavut Tungavik Timeoyomi (NTI) Ikhivaotalik Jeremy Tunraluk koyagiyakaktok tohaktiyotanik Kavamat Kanatami atokhimageagani Inoet Nutakat Hivolik Holiyotanik (ICFI) ataohikmi ukeomi.
ICFI-goyok tayaenak agikatigegota Kavamat Kanatami inikhiyagani holiyotaoyok ayikotanik Jordan Pitkoheanik, kiheanik atoktakhanik Inoet. Hanayaohimayok piyagani agiyomik ayikegotikhaenik Inoet notakat atoktitagani atoknikaktonik kavamanit manikhaktitaoyonik aneaktaeliyotinik, inuyohikmi ilihaknikmilo hanahimayonik, ikayutiniklo ihageagiyaenik, piyomagagata ukoniga.
“Koyagiyomayaga Kanatami Atanikpakyoak Justin Trudeau ilageaktitikmat umiga atoknikageaktomik holiyotikhanik Inoet notakat. Nonavumi, Inoet Notakat Hivolik Holiyotaoyok piyotaokmat kayaknaktonik ilagoenagini homilika ilihaknikmi, aneaktaelinikmi, inuteagotinilo atoktoni. Agiyomik aktoknikaktk inuteagotaenik Inoet notakat katangotigelo,” okaktok NTI-koni Ikhivaotalik Tunraluk. “Hivitutkiyak okageyaot ICFI-mi atogeakaktok amigiyagni ihomakhutaet Inoet notakat Nonavumi piyaganilo agiyonik ajikegotinik pipkaeniginit atolaligeagani atoknikateaktut kavamanit manikhaktitaoyut ihoakotit ikayutilo ihageagiyaenik.”
Aolaktigeaknigani ICFI-goyup, NTI-kot havakatikaktut ikayoktigivlogit Inoet Nonani, Inoet Tapiget Kanatami (ITK) Kavamalo Kanatami inikhiyagani hivitoyomik ayikotanik Jordan-mit Pitkoheoyup atoklogit tamaenit piyotaoyomik atoktaoyomik. Una atoktakhak piyotaoneaktok ICFI-goyok atoktitaoniganik Nonavumi hivolikhoktaoloni Nonavumi Inoenaknit piyotikakhonilo tamatkeomayonik pigeagotimik ihoakhaotaoyagani inuhikmi manikhakheogotinilo ayikegotaogitut aktoknikaktonik notakanik.263
-30-
Tohagakhalikiyit Okakvikhat:
Ivaluarjuk Merritt
Hivolikhokti Tohaomayotinik
Nonavumi Tungavik Timeoyok
