NTI-kot ihomalutikaktot amigaekpaleaniginik KALAKYOAKNIK-19-mit aneagotikaktot ukeoktaktomi ilaleotilaknigilu atoknikakloaktot havaktot. Nonavut pikaginmata atogeakaktomik akiliktoklogit aneaktot havagoekhimalageagani, akiliktoktaonigit aneaktot havagoekhimalageagani ikitukmata atolimagitolunet amihonit nanminik havakaktonit atogeakaktonik havaktonik, onalo piyotaolaktok heamayakniganik aneagut. Atoknikaktot havaktit, ihomagigilogit havakvigiyaet, atoktitaoyageakaktot ikayuheakhanik ayikotaenik akiliktoeyotit aneakata havagoekhimalageami agilgaomayagani aneakata avalengageakakatalunet.

Ikhivaotalik Kotierk okaktok ona “Okeok natok hilakyoami aneagotikaknik namaginmalu havaktot aneaktot ayokhakmata agilgaomayamikni manikhakheogeakagamik. Tamapta kanogileogeakaktogot ikayoktogeaptikni akigaktogeagani KALAKYOAKNIK-19 onalo ataohik pigeagotikhak ukpigiyakot GN-kot ihoaktomik aktokhilaktok taya aktogotaoginaktokhamiklo hivonikhami inokni.”

Ona pilaktok maligaguktigeaklogo atoligeagani akikinikhamik manikmik akiliktogaoyagani ankeakat havagoekhimalageami maniyaoyok tamaenut havaktonot Nonavumi uvalo uvalunet maniyaohimaloni Akiliktogaoyagani Aneakat Havagoekhimalageami Utiktigakhamik atoktakhanik havaktitiyut ayikotaenik maniyaohimayot Yukon-mi.

Ihomagiyaoyok kiklikhakagaloaktilogo aheni ataniktoevikmi, NTI-kot tonikhimayot ona kanoginigani Nonavut hivolikholaktot kanatami.

Hivonikhivaligomagovit okakvigiyavat ona:

Karen Flaherty

Ikayokti Hivolikhoknikmi Tohaomayotinik

Nonavut Tungavik Timeoyomi

Hivayaota: (867) 975-4900 Aketomik: 1-888-646-0006