Nunavut Tunngavik Angayukaak Cathy Towtongie ublumik ukaktuk NTIkut tuniyauhimayut hivulimik Akliktigutikhainik iniktigutainik uyagakhiuktut hanayainik Inuit nunaini. Akiliktigutikhait $2,249,500mik tuniyauhimayut Agnico-Eagle Uyagakhiuktit, Meadowbankmi Uyagakhiukvik kananagani Kamanituak.
“NTIkut Katimayiit nuutitihimayait NTIkut Uyagakhiuktut Pikuyakhait Decembermi 1997 pitkuyainik ikayuklugit uyagakhiuktut pitkutikhainik Nunavumi angiyumik pikakata Inuligiyiit ovalo Hanatiligiyiit ikayugutikhainik Inuinut ovalo aatjikutaukpat munagilugit nunait ilangit Nunavumi. NTIkut akhut havakhimayut iniktigutikhainik pikuyakhat ovalo koviahuktunga ukagama ilauliktugut akiliktigutikhainik kaangani Inuit nunaitk” ukaktuk Towtongie.
“Piliktinagit Agnico-Eagle Uyagakhiuktit, Meadowbankmi Uyagakhiukvimi, uyagakhiuktukangituk Nunavumi Inuit nunainik. Meadowbankut hivuliuyut hanayakhat nani Inuit tuniyauniaktut akiliktigutikhainik pipkaiyainik uyagakhiuktut inmiigutainik,” ukaktuk Towtongie. “Ilitagiyumayaga Agnico-Eagle Uyagakhiuktit nakuuyumik havakhimanmata hamna hanayakhat.
Towtongie ukaktuk tuniyauhimayut akiliktigutikhainik nakuuyumik ikayugutikhait kihimi kinikhiayut ovalo uyagkhiuktut tuniliktut amigaitumik havaakhainik pilaaktait, busniit pilaaktainik ovalo ayoikhaitjutikhait Inuit.
Kitkanit Inuit, NTIkut tiguhimayait nunait uyagakhiuligiyit kaangani Inuit Nunait. Tamamik kinauyaliuktait NTIkut pipkaihimayut uyagakhiuktit inminiigutainik aviktukhimayut, munagiyauyut ovalo tunikkhaiyut malikhugit Pitkutiligiyit Kinauyait Pikuyaini nuutitihimayait NTIkut Katimakyuaktut Novembermi, 2011.
