Pivalialigiyit Havakviit

NTIkut Angayukaak Pitkuyuk Nalungitakhainik pikalutik NNCkut Pilihimayuit

Nunavut Tunngavik Timinga Angayukaak Cathy Towtongie ublumi pitkuyuk Munagiyit Inuligiyit Kanatami kilamik aalanguktilugit Nigitiagutikhainik Ukiuktaktumi Kanatami Pilihimayuit naluhuigiaganik ovalo tuhaktitiagiaganik Inunut. Towtongie ukakhimayuk malikhugit takupkagutait Tuhaktakhat Kinauyaligiyit Ihivgiuktit Kanatami. Ilangani 6mi takuhimayut AANDCkut Nigitiagutikhainik Ukiuktaktumi pilhimayuit.

“NTIkut kitkaniituk ihumalugiyait Nigitiagutikhainik Ukiuktaktumi pilihimayuit ovalo hivuliit Nikiit Titigakut pilihimayuit naluhuitiagutikhainik ovalo tuhaktiagutikhainik Inunut. Pitkuhimayut Ilangani 32mi Nunavumi Nunataagutit Angigutaanut, Inuit ilauhimaitut hanauyautainik pilihimayuit. NTIkut ilaungitut tugaagutikhainik Inuit pilihimayuit Ikayuktiit Katimayiinut. NTIkut ukakhimaitut kanuk ilihagutikhait pilihimayuit kinauyakhait tunikhaihimayut Nunavumut ovalo NTIkut ilauhimaitut hanatjutainik kitut ilaulaaktut hunavaluit katitikhimayumi,” ukaktuk Towtongie. “Hamna ukakhimayut Inuit inminiigutait ilauyaanganik hanatjutainik hamna pilihimayuit ovalo hanauyautainik pihimaituk. Ukakhugit kinauyakhait tutkuktuitjutikhainik, Nigitiagutikhainik Ukiuktaktumi pilihimayuit aipauyuk anginikhaamik inuligiyit pilhimayuit tunivaktut Nunavumi. Ikayuktiit Kinauyakhait Inuligiyinit anginikhaanguyuk. Hamna hunmat ikpinakpiaktuk Inunut,” ukaktuk Towtongie.

Kinauyaligiyit Ihiviuktit Kanatami akhut ikpinagiyait AANDCkunut pinginmata kanuk Kanatami Kavamatkut ikayugutait tunivaktut niuvikvimit niuviktunut. Pikangitumik naluhuigutikhainik hivulimit, nalunaktuk kanuk ovaluniit ikayugutait tunivaktut ikayugiaganik niuviktunut. Towtongie ukakhimayuk NTIkut ukalakhimayait hapkoa ihumagiyainik AANDCkut Ministainut Bernard Valcourt aipaanut katimagumik. Pilaktitlugit pitkuhimayaa Minista Valcourt kilamik aalanguktilugit pilihimayuit tuhaktitiagiaganik Inunut.