ᑐᓴᕋᑦᓴᓕᕆᔩᑦ

ᓄᓇᕗᑦ ᑐᓐᖓᕕᒃ ᑎᒥᖁᑎᐊᑦᑕ ᐊᖓᔪᖅᑳᖓᑦ ᐅᖃᖅᑐᖅ ᑕᑯᒃᓴᐅᓂᖅᓴᐅᖁᓪᓗᒋᑦ ᓄᓇᕗᒥ ᓇᖕᒥᓂᖃᖅᑐᓄᑦ ᐃᑲᔫᑏᑦ ᐱᓕᕆᐊᖓᑎᒍᑦ

ᓄᓇᕗᑦ ᑐᓐᖓᕕᒃ ᑎᒥᖓᑕ ᐊᖓᔪᖅᑳᖓᑦ ᑳᑎ ᑕᐅᑐᖏ ᐅᑉᓗᒥ ᐅᖃᖅᑐᖅ ᐱᓕᕆᕕᐊᑦ ᐃᓄᓕᕆᔨᑐᖃᒃᑯᑦ ᐃᓐᖐᓐᓇᖅ ᐊᓯᔩᖁᓪᓗᒋᑦ ᑕᒪᑦᓱᒧᖓ ᓂᕿᑦᑎᐊᕙᓕᕆᓂᕐᒧᑦ ᐅᑭᐅᖅᑕᑦᑐᒧᑦ ᑲᓇᑕᒥ ᐱᓕᕆᐊᑎᒍᑦ ᐃᒪᓐᓇᓗ ᑕᑯᒃᓴᐅᑦᑎᐊᕐᓗᑎᒃ ᐊᒻᒪᓗ ᓱᓕᓂᖃᑦᑎᐊᖁᓪᓗᒋᑦ ᑕᑎᒋᔭᐅᔪᓐᓇᕐᓂᕐᒥᑦ ᐃᓄᖕᓄᑦ. ᑕᐅᑐᖏ ᐅᖃᖅᑐᖅ ᑭᖑᓂᐊᒍᑦ ᐅᑉᓗᒥ ᓴᖅᑭᑎᑕᐅᔪᑦ ᐅᑯᐊ ᐅᓂᒃᑳᓕᐊᖏᑦ ᑮᓇᐅᔭᓂ ᑕᒻᒪᖅᓯᒪᔪᖅᓯᐅᖅᑏᑦ ᓈᓴᐃᔨᑦ ᑲᓇᑕᒥ ᓵᑉᑕᖓᓂ 6 ᐊᐅᓪᓗᔾᔨᔪᑦ ᐃᓄᓕᕆᔨᑐᖃᒃᑯᑦ ᓂᕿᑦᑎᐊᕙᓕᕆᓂᕐᒥᑦ ᐅᑭᖅᑕᖅᑐᒥ ᐱᓕᕆᐊᑎᒍᑦ.

“ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓱᒫᓘᑎᓕᒃ ᐱᓪᓗᒋᑦ ᓂᕿᑦᑎᐊᕙᓕᕆᓂᕐᒧᑦ ᐅᑭᐅᖅᑕᑦᑐᒧᑦ ᐱᓕᕆᐊᑦ ᐊᒻᒪᓗ ᑕᐃᓱᒪᓂ ᓯᕗᓪᓕᒥ ᐊᑐᖅᑕᐅᒋᐊᒪᐅᖅᓯᒪᔪᖅ ᑎᑭᓴᐃᔪᓐᓇᕐᓂᒥ ᓂᖅᑭᑎᐊᕙᓂᒃ ᐱᓕᕆᐊᑐᖃᐃᑦ ᑕᑯᒃᓴᐅᓂᖅᓴᐅᖏᓐᓇᓚᐅᖅᑐᑦ ᐊᒻᒪᓗ ᓱᓕᓂᖃᑦᑎᐊᖁᓪᓗᒋᑦ ᑕᑎᒋᔭᐅᓂᕐᒧᑦ ᐃᓄᖕᓄᑦ. ᐱᖁᔭᐅᕗᑦ ᒪᓕᖁᔭᐅᓪᓗᑎᒃ ᑎᑎᕋᖅᓯᒪᔪᐊᓂ 32 ᐅᑯᐊ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ, ᐃᓄᐃᑦ ᐃᓕᔭᐅᓯᒪᓚᐅᖏᑦᑐᑦ ᐱᕕᖃᖅᑎᑕᐅᓂᕐᒥᑦ ᐃᓚᐅᓗᑎᒃ ᐊᖅᑭᒃᓱᖅᑕᐅᒋᐊᒃᑲᓐᓂᓕᖅᑎᓪᓗᒍ ᐱᓕᕆᐊᖅ ᑕᒪᑦᓱᒧ. ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓚᐅᓂᖃᖏᑦᑐᑦ ᑎᒃᑯᐊᖅᓯᓂᕐᒥᑦ ᑭᒃᑯᑐᐃᓐᓇᓂᑦ ᐱᓕᕆᐊᒧᑦ ᖃᐅᔨᒪᔨᑕᐅᔪᑦ ᑲᑎᒪᔨᖏᓐᓄᑦ. ᓄᓇᕗᑦ ᑐᓐᖓᕕᒃ ᑎᒥᖓᑦ ᓂᑉᓕᕐᕕᐊᕈᓐᓇᖏᑦᑐᑦ ᖃᓄᖅ ᐃᓕᓐᓂᐊᕈᑎᓴᓄᑦ ᐱᓕᕆᐊᓄᑦ ᑮᓇᐅᔭᖁᑎᒃᓴᖏᑦ ᓴᓂᕐᕙᖅᑕᐅᓂᐊᖅᑎᓪᓗᒋᑦ ᓄᓇᕗᒧᑦ, ᐊᒻᒪᓗ ᓄᓇᕗᑦ ᑐᓐᖓᕕᒃ ᑎᒥᖓᑦ ᐃᓚᐅᓚᐅᖅᓯᒪᖏᑦᑐᑦ ᐊᖅᑭᒋᐊᖅᑕᐅᒃᑲᓐᓂᓕᖅᑎᓪᓗᒋᑦ ᒪᑯᐊ ᐊᑭᑭᒃᓕᓂᖅᓴᐅᓂᐊᖅᑐᑦ ᓂᐅᕕᐊᒃᓴᑦ ᐱᓪᓗᒋᑦ ᓇᓗᓇᐃᖅᓯᒪᔪᖏᓐᓂᒃ ᐊᒥᓱᐃᑦ,” ᐅᖃᖅᑐᖅ ᑕᐅᑐᖏ. “ᑐᑭᓕᒃ ᐅᑯᐊ ᐃᓄᐃᑦ ᐱᔪᓐᓴᐅᑎᖏᑦ ᐃᓚᐅᓂᕐᒧᑦ ᐊᖅᑭᒃᓱᐃᑎᓪᓗᒋᑦ ᐱᓕᕆᐊᒃᓴᓂᒃ ᐊᒻᒪᓗ ᐊᖅᑭᐅᒪᓂᖏᓐᓄᑦ ᓱᓕ ᐱᓯᒪᖏᑦᑐᑦ ᓴᑭᓯᒪᓂᖏᑦᑎᒍᑦ. ᑐᑭᐊ ᐃᒪᓐᓇ ᐅᑯᐊ ᑮᓇᐅᔭᓂᒃ ᐱᕈᖅᐸᓪᓕᐊᑎᑦᑎᓂᕐᒥᑦ, ᓂᕿᑦᑎᐊᕙᓕᕆᓂᕐᒧᑦ ᐅᑭᐅᖅᑕᖅᑐᒥ ᐱᓕᕆᐊᑦ ᑐᖏᓕᐊᓂ ᐊᖏᓂᖅᐹᖑᔪᑦ ᐃᓅᓯᓕᕆᓂᕐᒧᑦ ᐱᓕᕆᐊᑎᒍᑦ ᑲᔪᓯᑎᑕᐅᔪᑦ ᓄᓇᕗᒥ. ᐃᑲᔫᓯᐊᖅᑖᖑᕙᒃᑐᑦ ᓂᖃᐃᑐᕐᓂᕐᒧᑦ ᐊᖏᓂᖅᐹᖑᔪᖅ. ᐱᔾᔪᑎᒋᓪᓗᒍ ᐱᒻᒪᕆᐅᓗᐊᖅᐳᖅ ᐃᓄᖕᓄᑦ,” ᐅᖃᖅᑐᖅ ᑕᐅᑐᖏ”.

ᑕᒻᒪᖅᓯᒪᔪᖅᓯᐅᑎ ᑮᓇᐅᔭᓂ ᓈᓴᐅᔨᑦ ᐱᓗᐊᖅᑐᒥᑦ ᐱᐅᒃᓴᖏᓐᓂᖃᓗᐊᓚᐅᖅᑐᖅ ᐊᑭᕋᖅᑐᖅᖢᒍ ᐅᑯᐊ ᐃᓄᓕᕆᔨᑐᖃᒃᑯᑦ ᐊᔪᕐᓂᖏᑦ ᑲᒪᓂᖅ ᑕᑯᒃᓴᐅᑎᑦᑎᓂᕐᒥᑦ ᖃᓄᖅ ᑲᓇᑕᐅᑉ ᒐᕙᒪᑉᑯᖏᑦ ᐃᑲᔪᖅᓯᔪᓐᓇᕐᓂᖏᓐᓂᒃ ᑐᓂᔭᐅᓐᓗᑎᒃ ᐅᑯᓇᖓᑦ ᓂᐅᕕᕐᕕᖃᖅᑐᓄᑦ ᐊᒻᒪᓗ ᓂᐅᕕᖅᐸᒃᑐᓄᑦ. ᑕᑯᒃᓴᐅᓇᑎᒃ ᐱᒋᐊᕐᕕᐊᓂᑦ ᐃᓱᐊᓄᑦ, ᓇᓗᓇᖅᑐᖅ ᖃᐅᔨᓂᕐᒥᑦ ᐃᑲᔫᑎᑦ ᐊᑐᖅᑕᐅ ᑐᓂᔾᔪᑕᐅᕙᒃᑲᓗᐊᕐᒪᖔᑕ ᐊᑐᖅᑎᑕᐅᓗᑎᒃ ᑕᒪᕐᒥᒃ ᓂᐅᕕᖅᐸᒃᑐᓄᑦ. ᑕᐅᑐᖏ ᐅᖃᖅᑐᖅ ᓄᓇᕗᑦ ᑐᓐᖓᕕᒃ ᑎᒥᖓᑦ ᓴᖅᑭᑎᓐᓂᐊᕐᓂᕋᖅᑕᖏᑦ ᐅᖃᐅᓯᕆᓗᒋᑦ ᐱᔾᔪᑎᐅᔪᑦ ᐃᓄᓕᕆᔨᑐᖃᒃᑯᑦ ᒥᓂᔅᑕᖓᓐᓄᑦ ᐳᓈᖅ ᕕᐅᑯᐊᑦ ᑭᖑᓪᓕᕐᒥ ᑲᑎᒪᓕᕐᒥᒃᐸᑕ. ᒫᓐᓇᓕ, ᐊᔭᐅᖅᑐᐃᔪᖅ ᐳᓈᖅ ᕕᐅᑯᐊᒥᑦ ᐃᓐᖐᓐᓇᖅ ᐊᓯᔾᔩᖁᓪᓗᒍ ᐱᓕᕆᐊᓄᑦ ᐃᒪᓐᓇ ᓱᓕᓂᖅᓴᐅᖁᓪᓗᒋᑦ ᑕᑎᒋᔭᐅᓂᕐᒧᑦ ᐃᓄᖕᓄᑦ.