(March 3, 2023, Iqaluit, Nunavut) March 2, 2023, Nunavunmi Apighoiyit Ehomaliogotikaktut tohaktijotigiplogo Nunavut Kavamaita kingginahoakhimayaat maligatigot akilikoijotaohimayut hapkonatigot ehoigijotaoyok Inuinnaknit elihaktonit Nunavunmi elihakvioyoni atoktaonggitillogo okaohik Inuinnaktut elihaotaoyoghaoyok. NTI-kot pilikhimakmata maligatigoikoojotigiyamingnik okonatigot malgok Inuinnait Inuinait elagiitigot atoktaoligiagani tamainnit Inuinnakni. Apighoiyit apigihimayait ehoaghainahoakoplogit Kaanatami Maligakyoak Piinnagiakaknighakot Okakhimayok Atokoplogo ehomaghoinagiakaoyaoyoghaklo Inuinnaiaknot elihaktonot pitjotaoyoghak NTI-kot Kavamanik Havakatikagahoaktotokaotillogit ehoaghaijotaonahoaktoghamik.
Okiaghak, ona Apighoiyi Paul Bychok Nunavut Apighoiyiinit tohagami maligatigot ehoigohootikaktonik okongnangga NTI-konnit Nunavutlo Kavamainik homilikaa apighoiyitigooktitinahoakgotikaktillogit naliakolloniit apighoiyinit eligaktaoloni apighoiliktinnagit.
NTI-kot ehomangnaalaaktaoyot Nunavut Kavamait okakmata akigaktoiplotik. Inuinnaingook ajikohiotilimaitogiplogit pinnagiakaotighatigot okagiikhimayot omani Kaanatami Maligakyoak Piinnagiakaknighakot Okakhimayok Atokoplogo ehomaghoinagiakaoyaoyoghaklo Inuinnait Hapommiyaonighaitigot naggogiyaoniakata Onuinnait okaohiitigot. Kavamat okakhotik okagook Kaanatami Maligakyoak Piinnagiakaknighakot Okakhimayok Atokoplogo ehomaghoinagiakaoyaoyoghaklo atoktaoniaktuk Kablonaaginnaknut Okkakloktonollo elihaktillogit, taimaitillogo Apighoiviktigoikonggijotigihimayaat apighioyitigooklotik.
“Apighoiyit ehomaliogotigiyaat apighoiyitigooktitinahoaknighak epigaktaotkonago ehoinmanggook aghoogotaoyomot pihimmaagahoagotaoyaatani. NTI-kot pihimmaakniaktut apighoiyitigooktitinahoaklotik Inuinnait elihaktot piinnagiakaotikagiaginni piyomayaitigot elihaktamingni – Sikoolihaaktonit Grade 12 –mot ajikohiotihimayaaginni elihaknikot elihakvigiyamingni pikohitokaktik atoktaohimmaakpagiaginni. Ona apighoiyit ehomaliogotitiyaat koanakgaloakhoni, Nunavut Kavamaita pigiaktitijotigihimayaat kinggovikkonaonialikmiyot oiokmi ataohikmik ehoaghaijotaonahoaktotigot okaalaktuk Aluki Kotierk, NTI-kot Anggayokaagat.
NTI-kot pitkoiyot Nunavunmi Apighoiyinik hamna apighoiyitigookoplogo apighoivikmi. NTI-kot pinahoakhimmaakniaktut nakoatut atoktaghanik haklovioknaigahoaklogo elihakvikni ehoigijotaovaktut ehoaghaknahoaklogit, talvalo ehoigohookatigiiknik nakatkiktaoyaagani alanggotaoyaagani elihakvioyoni okaotit tamaita atotaovaligiaginni elihaotaohimmaakpaklotiklo pitkohitokaillo elihaktaovaligiaginni.
-30-
Okakatigiinnagialik:
Kevin Kablutsiak
Ataniat, Tohaomatitiyiini, NTI-kot
Okaotaa: (867) 975-4900 / Akiligiituk: 1-888-646-000