Pivalialigiyit Havakviit

NTI-kut Ikayuqtuinnaqtut taapkuninnga Nunavunmi Inminiiqtailiniqmut Atuqtaghanik

Nunavut Tunngavikkut Timingat Angayuqqaanguangat James Eetoolook quviahughuni haavitittiyuq taaffuminnga Nunavunmi Inminiiqtailiniqmut Atuqtaghanik, quyaplunilu tamangnut havaqatigiiktunut, taapkualu NTI-kut, Kavamatkut Nunavunmi, Iqillugu Inuuhiq Katimayiit, Paliihimatlu.  Havaqatigiiktut aullaqtitauhimayut auyautillugu 2008-mi.  Tamangnik havaqatigiit havakluaqpaktut ihuaqnighamik aturumaplutik.

“Inminiiqtaqtut ayuqnaqtuq havaariyaami tamapta aktuqtauhimagapta talvuuna.  Inminiiqtailiniq atauttikkut piyauyuittuq ayuqnaittukkut” uqaqtuq Eetoolook.  “Qitqaninngaaqtumik ihuaqnighakkut ukpiriinnaqtaqqut taimaa Inuit amiqnaitqiyauyut inminiiqtailiniqmut inuuhiptingnit.  Talvuuna, inminiiqtaqtut amigaiqpalliayut inuuhirinngittugu imaalu kaipiktiniirialik.  Atauttikkut hapkua inilaittut, imaalu atauhiq uukturuptitku ikiklivaalliutaulaittuq tajjaguinnaq, kihimi akihaqtulaaqtaqqut.”

Taapkua ihuaqnighakkut uuktuqtaghat 8-nik iniqtaghalik, taimaa, aullaqtitaugumik, qaffinik ilitturinnaqtunik nutqarutighanik inminiiqtailiniqmut ikayuutighait inuit ikpiguhuktut inminiiqhimayunit.  Ilangi inirumayaita taapkua tuhaqtittinahuaqniq inminiiqtailiniqmik, ihuaqharahuaqlugit ihumaqluktunik ikayuutait, inulrammiit ikayurahuaqlugit ihumaqluktailiniqmut, ilihaqtittilugit Nunavunmiut ilitaqhiniqmik inungnik ihumaalungnaqtut takupkaqtillugitlu ikayuqtinut, ihuaqharahuaqlugit nutaqqat ilihalihaaqviinik ikayuutiiniklu Nunavunmi.

Taapkua havaqatigiiktut iniqhiyumayut ihuaqnighakkut atuqtaghaanik aullaqtittiniqmut 90 upluit kinguanit hailiyauvianit aqaguani.