(September 23, 2010 – Iqaluktuuttiaq, Nunavut) Nunavut Tunngavikkut Timingat Angayuqqaanguangat James Eetoolook  mamiahukturiyuq ipaghaq niruaramik MP-kut Kavamatuqanit Maligaliuqvikyuanganit makitapkainahuaqlugu Hiqquutinut Titiqqat.  MP-nguyut niruaqhimayut pihimayumaplugu titiraq 153-151.

“NTI-kut mamiahuktut Hiqquutinut Titiqqat aulalimaittut.  Imaa ayuqnaqpangniaqtuq Inungnut hiqquutitaqniqmut anngutighaat niqighaqhiurutighaat ilamingnut,” uqaqtuq Eetoolook.

Taamna Nunavunmi Nunataaqnikkut Angirutit piinnarialiutauyuq Inungnut anguniaqniqmut laisiittumik piinarianiutinullu.  Talvanngat July 2003-mit, maligaliuqtauhimakaffuktut Nunavunmi Apiqhuiyiqyuanit nutqarutauyuq titiraqniqmut laisitaqniqmullu talvani titiraqhimayutut Hiqquutinut Maligaqnit Inungnut hiqquutiiliuqtut anguniayukkamik.

Eetoolook uqaqhimayuq taimaa NTI-kut naahuriinnaqtut havaqatigiyumaplugu MP Leona Aglukkaq Kavamatuqatlu Kanatami nutaanik maligaghaliuqlutik hiqquutit mighaagut Inuit ilitquhiit inuuhiitalu ihumagiplugit Nunavunmi.