Toninagiktukhak
(October 28-mi 2024-mi – Ikalokni, Nonavumi) Nonavut Tungavik Timeoyup (NTI) Aepagotoagagat
Katimaniga (AGM) atokhimayok Ikalokni, Nonavumi ipakhani.NTI-koni ilaoyut okaohikaktut
atoknikaktonik ihomagiyaoyonik Nonavumi Inoenaknit, aniguktitivlotiklo kavinikligeak pigeagotinik,
okaoheoyoni Inoenaet Havaktonik, Iglolikiyotinik, Hanayakhanik, Inoenaktolo kongealeogakhanik
ikayutiniklo.
Ihoakotinit Manikhanik Pitkoheoyok
Okonani amihoni pigeagotinik anigoktitaoyonik ovani ukeomi AGM-mi, NTI-koni ilaoyut agikhimayut
notagoktikniginik Ihoakotinit Manikhanik Pitkoheoyomik Nonavumilo Inoet Ihoakotinit Manikhaginik
Tutkomavikmetonik. Aetutikhanik manikhakvik kanikliyok hivoani togakvikhamik 110-mileatalamik.
Notagokhimayok pitkohik pipkaeyok NTI-konik Nonanilo Inoet Katimayenit (RIA-n) pivaleayagani
havakhaenik Inoenaet nalonaetomik aepagotoagagat toneokhaeyotinik akileotaoyokhanik
manikhakheogotinik pivaleayotinik havanik manikniklo atoktitiyotinik ikayutaoyokhanik taya inuyoni.
NTI-kot RIA-lo okageyaktut akiliktoeyamikni napanik hivoani aolanikmi tuneokhaeyotinik
aepagotoagagat ihoakhivaligeaganilo tohaomayotit Nonavumi Inoenaet kaoyimayagani manikhakheogotinit
ikayutinik piyaoyut oyagaktaknikmit.
Iglolikiy otit Hanayakhalo
Ilaoyut anigoktitiyut pigeagotimik okaotivlogit Kavamat Nonavumi Kanatamilo ihoakhageagani
Iglolikinikut ayokhaotaoliktut, agilgakagitolo, takukhaogitolo agilgakagigut, anikveonahokuknaktolo
ihoagoektut kanoginigit iglut, pikaginiganiklo namayonik iglukhanik kahaktonik namayonik kilamiklo
maniknik atolikniginik.
Ilageagota, NTI-koni ilaoyut ikayoktoeyut Agigakhaleokta-konik, Nonavumi Inoet Iglulikinikmi
Upiyotinik Upalogaeyaot. Hivoleoyok Inoenaknit hivoliktoktaoyok huliyut ihoakhageagani Nonavumi
iglolikiyotini ayokhaotaoyok, ihoakhakhimayat Inoenaet, atoktakhaet Inoenaet kiklikagitoklo
hanayaoniginit iglukhat. Agilgakhaleokta ihoakhaotoayok upalogaeyakniganik, kanoginikhanik
hanayaoniginiklo agilgakhat ikayutaoneaktut Inoet nonagiyaeni atoktakhaeniklo kigolikhapta.
Atolihaktilogo una Saneonik, NTI-koni katimayit hivolikhoktit aniguktitiyut pigeagotimik
atoktitiyamikni 15-mileatalamik atoktukhamik Kivalikni-Kigiktalokmi Ilaleotiyotikhak
Algoyaktutikhanik Hikoleagoyuyaktonik, 10-mileatalamik Sakku Ihoaktonik Iglukpiyotikhanik (SIBS)
iviktitakhanik agilranik hanaveoyomik Akveani 2-mileatalamiklo atoktakhaenik Inoet
Nonagat Ilihakvikyoami.
NTI-kot okagektut 15-mileatalamik ikayoktogeagani ilaoyotigiyamikni nanminikakataoyamikni
monagikatigegeamiknilo agikatigegunmik Kivalikni Kigiktalokmilo Kivalikni Kigiktalokmi
Ilaleotiyotikhak Algoyaktutikhanik Hikoleagoyuyaktonik havami hivomut aolapkagaoyok Kavamanit
Nonavumi. NTI-kot koyayut atoktakhamiknik upikatigiyagani GN-kot uvani Kivalikni-Kigiktalokmi
Ilaleotiyotikhak Algoyaktutikhanik Hikoleagoyuyaktonik atoligomayaoyomi taya hivoganetok Kanatami
Nalaohikiyit Tohaomayotilikiyinilo Kamiseoyomi (CRTC). July-mi 2024-mi CRTC-kot tohaktitiyut 271-
mileatalamik atogeakaktokaktonik manikhanik havami. NTI-kot ilitakhiyomayut nutkaktitiyotanik
CRTC-koni Kamisinaoyup Claire Anderson okateakniganik ihageagiyaoniganik manikhakheogotini
haemakhaotinik ilaoniginit agiyoni hanayakhanik havani ayikotanik KBC-kot havagani. NTI-kot
nahogiyut upihimageamikni GN-kolo kanok ilaleotiyagani Inoenaet ilaoniginik havami ahivaktigeagani
Nonavumi hanahimayonik honakaginigani.
Ilaoyut anigoktitiyolo pigeaktitiyotimik akhukhaevlotik Kavamanik Nonavumi (GN) inikhiyagani
atoktakhamik aneakvileaktut hiniktakvikhaenik Kagiklinikmi Ikaloktuteamilo, aneakvileaktut
hiniktakvikateageagani aolaligagamik nonami apkohaktaovaktoni tikmeat ihoegagata
tikmihoegagatalunet. Aneakvileaktut hiniktakvikhaet ihomaloknaegotineakmata aneakvileaktoni
atokpalagitaganilo kavamani akiligakhaet aneakvileaktoni hivonikhami.
Inoenaktut Havaohikni Ikayutinilo
NTI-koni ilaoyut anigukhiyut malguknik (2) pigeaktitiyotiknik ihoakhiyagani ihomalutaet ilagani
Inoenaktut okaohik aheoniganik Nonavumi, pikaginiganiklo tamakni inuknut ikayutinik
tohagakhalikiyilo kahaktonik Inoenaktut.
Inoenaktut Okaohenik Monagiyotinik Maligakyoak (ILPA) hanahimayok pikageagani kavamanit timeoyonilo
atuqtitiyagani havanik ikayutiniklo inuknut kahageagani Inoenaktut. Kavamat Nonavumi nanminiklo
havakaktut maliteaginmata ILPA-mik hatkikhivlotik ayokhaotigiyaenik Inoenaet atogeami ikayutinik
ikayokniginiklo, ilagani, atogeokniginik Inoenaktut homilika ukeoktaktomi. NTI-kot okaotiyaet
GN-kot maligeagani ILPA-goyok ahivaelotiklo namaktonik ihoakotikhanik atoktukhanik Inoenaktut
huliyotini monagiyagani atoktaovaligeaganilo Inoenaktut.
Ilaganilo, pigeaktitaohimayok aniguktitaoyk okaotivlogit Kavamat Kanatami ahivaeyagani
amigaetkiyanik ihoakotikhanik atoktukhanik Inoenaktut tohagakhalikiyini, ayogoegeagani tamaeta
Inoenaknit hivolikhoktaoyut hanayit pivaleayagani amigaetkiyanik ikakniknik atoktakhaniklo
Inoenaktut tohagakhanik tv-kolo kongeakhanik; notaguktiklogolo Tohagakhalikiyit Maligakyoaga
maligoagakhalo ayogoegeagani Nonakakaktonit hanayaoyonik akilikhipkaeyagani ilaoyotini
akiligakhanik akikinikhamik, aheagolo hakogikhiyagani Nonakakaktut Okaohet homilika Kanatami.
Inoenaet Havaktukhat
NTI-koni ilaoyut ilitakhiyut Nonavumi, Inoet havaktut kavamani toniyaoginmata ayikevyaknik
havaohikmi ihomakhutinik ikayuheaniklo, atogeganilo havaktut iglukhaenik namayoni kaveonigini;
namaginmata Inoenaet atangoyat inigiyaeni, Inoenaelo havaktut naonaepkotaet kavamani aolaginmata
ikiniginik. Ublomi, Kavamat Nonavumi Kanatamilo hanaginmata atolikniganiklo ihoaktomik Inoet
Havaligeagani Upalogaeyaotinik (IEP-nik). Unipkat havakhiyotaoyut NTI- konit takupkaeyut Inoenaet
manikhakneagaloakmata 200-mileatalamik ilageagotikhani manikhani ahenilo ikayuheakhani
aepagotoagagat kavamat ihoaktomik atokhimanikata Nakatani 23-metomik Nonavumi Agikatigegunmi.
NTI-koni ilaoyut aniguktitiyut pigeagotimik okaotivlogit kavamaoyut tamat atoligeagani Nakatanetok
23 Nonavumi Agikatigegunmi havakatigeligeamiknilo NTI-kolo atoligeagani havaligeaktinagit
ayoekhayotikhanik upalogaeyaotinik piyotaoneaktonik ihageagiyaenik Inoenaet nalaotigeaganilo taya
Inoet havaktut kavamani havaligeagani.
Manilikiy otit
NTI-kot okaohikaktut Ilitokhakhimayonik Manilikiy otinik Naonaepkotinik 2023-mit 2024-mut AGM-mi
ilitagiy aohimagitomik ihomagiy anik ilitokhaeyip. Manilikinikut Naonaepkotit ihoakhaktaovaktut
pipkaeyagani amigaetkiy anik manilikiy otini takukhaoniginik manilikiy otaenik kanoginiginiklo
NTI-kot.
NTI-kot koveahogitkaloaktilogit atogaoyomik ihoakhakniganik Nonavumi Tutkomavikmit
28.2-mileatalamik atoktumi ukeomi, akilikhiy otaoyut Inoenakni piy otikaktonik havanik aolagitut
157-mileatalami atoktilogo ukeok. Hivigitut Ahelo Manikhakheogotit pipkaeyut namaktonik
manikhakheogotinit manikhanik, pipkaevlotik ilageagotinik ihoakotinik iglolikiy otini hanayakhanilo
havagini NTI-kot RIA-lo atoktukhami ukeomi. NTI-kot monakhihimayut 58-nik ilikut havanik 2023-mit
2024-mut 276%-mik amigaegeaktut talimanit ukeonit taemani.
Tuklik AGM-goyok atogealakiy ok October 21-mit 23-mut Kagiklinikmi, Nonavumi.
-30-
Okakvikhak:
Tilaila Raas
Hivolikhokti Tohaomayotinik Nonavut Tungavik Timeoyomi
-mi
