Nunavut Tunngavik Timinga Angahukaak Cathy Towtongie ublumi ukaalaktuk tuhaktitainut $63.7 millionmik Iqaluit tagiumi uhiiyakvikhainik ovalo ukakaktumik tunngahunaktuk pivaligiyiit Inunut Iqalumi ovalo tamamik nunakatigiit Nunavumi. Kanatami Ministaa Leona Aglukkaq tuhaktitiyuk titigakviani Iqalumi ublumi.
“NTIkut akhuukhimayut angililugit tutkuktuitjutikhainik Nunavumut havakatigiigutikhait kingulimi ukiuni. Kuviahuktunga tuhagama havakatigiigutikhait ayokhagutainik munagiyaunialiktut ublumi kavamatkunit,” ukaalaktuk Towtongie. “ NTIkut ukpigiyait piyumayainik Kanatamit tutkuktuinahuaktainik Nunavumut hanatiligiyiit, Nunavut piniaktut ungahinut uktugutikhainik havakatigiigutikhait tutkuktuitjutainut paknaiyautait munagiyaanganik Nunavumi havakatigiigutikhait kinguvagutainik.”
Towtongie ukaalaktuk paknaiyautikhait ilauyukhauyut amigaitunik ukiunik kinauyakhait ilanganut Kanatami havakatigiigutikhait pilihimayuit, ilaa, Hanatjutait Kanatami Paknaiyautikhait.
