Nunavut Tunngavitkut Angayuqqangat Cathy Towtingie Nunavullu Hivuliqtia Peter Taptuna uplumi tuhaqtittiuk pinnguqtitaunianik Nunavut Inuit Ilinniarniannut Kuapurisanmik. Hivuliqtiik tuhaqtittiuk Hivuliqti Taptunaup uqaqtitaunianit NTI-kut ukiumut katimanianni Iqalungni.
Ilinniarnirmut kuapurisan, timinnguqtitauyuq OCtober 9, 2015-mi manikhaqaqtitauniaqtuq tuniyauhimayunit Akigaqtuutauyumit Angirumit atiliuqtauhimayuq umani ukiumi. NTI-aip atiliuqatigiyaik Akigaqtuutauyumit Angirunmik Kavamangik Nunavut Kanatauplu ihuarhautigiplugu NTI palihimqutigihimayaat Kavamanganik Kanataup 2006-mi atuliqtittihimannginniangnut iluliinnik Nunavut Nunatarutata Angirutani (NLCA).
Angirut ihuaqhautauyuq palihimaqunmik talvanga NTI hivumuuyuq atuliqtitauyarialingnik.
Malikhugit iluliit angirunmi, Kavamanga Kanataup akiliqtaat NTI $255.5 miliannik himmautirutinik. NTI uqariyaqtut aturniaqhugit $175 milian himmauhirutit timungiqtiriniaqhutik Nunavut Inuit Ilinniarniannut Kuapurisanmi, Inuit iliharvikhaqariangini havaakhaningnirmut kavamani, kulvahitqianiglu havaaniktirlutik talvani havarvingmingni.
“Timinguqtitauniagut Nunavut Inuit Ilinniarniannut Kuapurisan, NTI angiyumik piniaqhimaliqtut atuliqtirinirmi Nunavut Nunatarutata Angirutaani Nakataq 23-mik, Inuit havaaniquiyumik kavamani inuinnarianiq atjikuhirahuarlugu. Imaa tukilik Inuit 85%-ni kavamani havaani iniqaqtukhauyut. Uvuna nutaakkut kuapurisakkut NTI pivikhaqarniaqtuq parnaiyainirmik Inungnik tikiutiyami umunga tikitauyukhauyumut,” uqaqtuq Towtingie.
“Nunavut Kavamangat aghuruuqtuq pivaalirahuarniannut Inuit havaktut ikayurniaqhugillu Inuit ayuirhayut havaanikpagiangini aviktuqhimayumi nunalimaamilu,” uqaqtuq Nunavut Hivuliqtia Taptuna. “Una angirut nutaallu manngit atayut aularutivut nutaamik atuliqtittinirmik Nunatarunmik. Minista Quassa uvangalu niriuktuguk havaqartiginiinnik Nunavut Inuit Ilinniarniannut Kuapurisatkut taimaatut tamaita Inuit avvarhariangini ikayuutikhanit Nunavut angiyumik maniliurvikhaanit.”
Nunavut Inuit Ilinniarniannut Kuapurisan Katimayini ukua ilauyut Angiyuqqat Towtongie, NTI Angiyuqqap Tuglia James Eetoolook, Kitikmeot Inuit Katimayita Angiyuqqangat Stanley Anablak, Kivalliq Inuit Katimayita Angiyuqqangat David Ningeongan, Qikiqtani Inuit Katimayita Angiyuqqangat PJ Akeeagok, Hivuliqti Taptuna Ilinniarnirmullu Minista Paul Quassa.
-30-
For further information:
Kerry McCluskey
Director of Communications
Nunavut Tunngavik Incorporated
Tel: (867) 975-4914 Toll-free: 1-888-646-0006
www.tunngavik.com
Catriona Macleod
Director of Communication
Government of Nunavut
Tel: (867) 975-6049
