Aliahukatigiigutikhainik Nunavut Ubluani ovalo ublumi angikatigiigutainik munagitjutikhait Kanatami Ingilgaavut Kuugait Nunavumi, Nunavut Tunngavikut (NTI) tuhaktiyut Ilitagitjutikhainik takhiyakhainik Inuulgamiit.
Takhiyakhat angmaumayut Nunavumi Inuit ukiukaktut 18mik ovalo ataani, ilauyunut nunalaat hapkonani Kimmirut, Kugluktuk ovalo Kamanituak, nani hitamat Ingilgaavut Kuugait hanianiitut.
“Tuniniaktavut hapkoa takhiyakhait Inuulgaminut, naluhuiyagiaganik ikpinagutainik Ingilgaavut Kuugait Nunavumi,” ukaalaktuk Aluki Kotierk, NTIkut Angayukaak. “Nunalaani, Inuit nalungitiamata kanuk munagiyaulaaktut ovalo tamaktitailigilutik kuugavut, atuklutik Ingilgaat Kauyimayainik, Kinguliit ovalo Inuuviviniit. Amigaitpata Inuulgamivut kangikhimaligumik nunakput ovalo imakput, nakuutkiyauniaktuk ihumaalugiyainik hivunikhavut.”
Pihimayait Nunavut Ubluani 2019, NTIksut ovalo Kavamatukatkut ovalo Nunavut atiktuihimayait Inuit Ikpinagutainik Ikayugutikhait Angigutikhainik Kanatami Ingilgaavut Kuugait (IIBA). Angigutait ilauyut hapkoa kuugait: Coppermine River (Qurluktuk), Kazan River (Sarvaqtuuq), Soper River (Kuujuaq) ovalo Thelon River (Akillinik).
Takhihimayut Ilitagitjutikhait hanauyakhimayait takupkainiaktut ikpinagutainik hitamat Ingilgaavut Kuugait Nunavumi munagiyaunialiktut ovalo munagilugit Inunit ikayugiaganik tamamik Kanatamiut. Ilitagitjutikhait ilauyut Inuit Ikpinagutainik Ikayugitkhait Angigutaini Kanatami Ingilgaavut Kuugait (IIBA) hapkonani nunalaani.
Ilaulutiklu ilitagitjutikhait ilaukatauniaktut IIBAmi, hivulik takhiniaktuk $1000.00mik. Pingahut takhiniaktutlu tamamik nunalaani piniaktut $500.00mik.
Takhipkainahuaktut angmaniaktuk Nunavut Ubluani, July 9mi ovalo umiklutik August 1mi, 2020.
Naluhuiyagumaguvit kanuk ilaulaaktutit takhipkainahuaktunut, takulugit hamani kagiauyakut: tunngavik.com
NTIkuni Takulugit:
Malaya Mikijuk,
Atanguyak, Tuhaktiligyiit Ayoikhaiyii
Hivatauyaa: 867-975-4907
Hivatauyaa Akiituk: 1-888-646-0006
Kagiauyami Takulviit: www.tunngavik.com
Takhipkainahuaktut ukautait ovalo kinguliit:
- Takhipkainiaktut angmaumayut Inuulgaminut ukiukaktut 18nik ataanutlu
- Takhilaaniaktut ilauniaktut kitumut pingahut nunalaat: Kimmirut (Soper River); Kugluktuk (Coppermine River); ovalo Kamanituak (Kazan River ovalo Thelon River)
- Malguunik hanauyalaaktut takhinahuaktunit Inuulgamiit
- Ilitagitjutikhait atulaaktut piksanik, hanauyaktunik, titigagutainik ovalo naunaiyautikhait ilitagiyait havakviit ovalo hunamik ukautikaktut tahapkoa. Hanauyakhimayut titigauyalaaktut ovaluniit kagitauyakut.
- Takhiniaktut Ilitagitjutainik, iniktaagumik ukautainik atukhimayut Ikpinagutait ovalo Ikayugutikhait Angigutaa ovalo ilauyut makpigaakhait IIBA.
- Maliktakhat ovalo maligutikhait ovalo kanuk ilaulaaktutit takhipkainahuaktunut, takulugit hamani: visit tunngavik.com
Kinauyut hapkoa (CHR IIBA)
Aipaangani Nunavut Ubluani 2019, NTIkut ovalo Kavamatukatkut ovalo Nunavut atiktuihimayut Inuit Ikpinagutait ovalo Ikayugutikhait Angigutait Kanatami Ingilgaavut Kuugait (IIBA).
Inuulgamiit ovaluniit kitkukiak naluhuigumayut IIBAhait, taiguaklugit hamani pivaliahimayunit takupkaitjutainut:
https://www.tunngavik.com/wp-content/blogs.dir/1/files/2019/07/CHR-IIBA-NewsReleaseENG.pdf
