(Akasi 13, 2021 Iqaluit, Nunavut) Nunavut Tunngavik timinngat. (NTI-kot) anggayokaagat Aluki Kotierk opigiyomavait okoa Angela Mukyungnik Arviakmiotakonalo Jenna Kilabuk-Qaqqasiq Pangnirtungmiotak taiyaoyok toniyaoniakmanik omingga Jose Amaujaq Kusugak (JAK) Itkaomajotaoploni Elihagiakpaaliknighamot Ekayoohiagotighamik okiogiyaptikni 2021-mi.
Ona JAK Elihagiakpaaliknighamot Ekayoohiagotighami toniyaoyok $5,000.00-taala piyaokataktoghak okiokmot amlgoknot elihakpaaligahoaktoknut omingga toniyaoyut itkaomajotaokmat omongga Jose Kusugaop aghoogotigivakhimakmago elihaknighak, okaotiniklo, pitagihimayainiklo Inuinnait piinagiakaotighainik.
Angela onalo Jenna okoak tamangmik elihaktuk Nunavunmi sikooktitiyionighamik ayoighayukk elihakhotik Okioktaktomi elihagiakpaalikvikmi paanagiplogit okoa Itkaomajotaoyonut Elihakvikyoagani Newfoundland pipkaktaotillogo nunagiyamingni.
“omani okiogiyaptikni toniyaoyik elihagiakpaaliotaoyoghamot ekayoohiagotighamik hivolikhoktioniaktuk nangganaklotiklo nunamingni, aghoogotigiplogo havaagiyaat sikooktitiyiomanikmingnik havaakagomagamik Nunavunmi. Koviahootigikpiaktaga aghoogotikakmanik elihaktitinighapmighaanot okaohiliginikmot pitkohiliginikmollo elihaojiyomaplotik sikookvikni. Koanakpiakkotik opigivaptik Angela onalo Jenna, talvalo pittiakniagaptik okiogiyaptikni 2021-mi 2022-mot elihagiakpaaliknighakot atoktaptikni omani okiogiyaptikni.” okaktuk Aluki Kotierk, Anggayokaagat NTI-kot.
NTI-kot tamainot koanaagomavut elihaktonot oktokhimalikmata ekayoohiagotighamik elihagiakpaaliknighamot omangga JAK Ekayoohiagotighak. Holi notkavighak toghigaotaoyonut omangga Jose Amaujaq Kusugak Ekayoohiagotighamik July 9-gokat, 2022-mi. Taja Nunavut Tunngavik tunggavia (NTF) pikataliktot toghiotaoyonik elihagiakpaaliotaoyghap mighaanut Ayoighanighamikis, Havaaghaniklo ayoighajotaoyoghanik havaakagomanikmollo pihimmaakniaktut tatja Akasi 31-mot, 2021-mi. Naonaikpaaligomagovit elihagiakkpaaliknighakot ekayoohiagotighamik takonnagialik NTI-kot kagtaoyatigot nainaovikghami ovani: www.tunngavik.com.
-30-
Naonaipaaligomagovit tohakvigiinnagialik ona:
Malaya Mikijuk
Elihaktuk atanionighamik Tohaomatitiyit Havakviani
Nunavut Tunngavik Tunngavik
Okaotaa: (867) 975-4900/Akiligiituk: 1-888-646-0006
Kagitaoyatigot: www.tunngavik.com
