Nunavut Tunngavik (NTI) Angiyuqqap Tuglia James Eetoolook uplumi tuhaqtittiuq aippanganit atuqtauyuq atuagak ilauyuq iqalulirinimut munaqhinirmut parnaiyagamut tuugaalingnut atuqtauhimmaarniaqtuq 2015-mi auyaq tuugaalikhiunianut tunuani Tasiujaryuap tuugaaliinnit.
NTI, Angunahuaqtiillu timiit Aviktuqhimayumilu Anguhiqiyit timiit havaqatigiyait Nunavut Umayuliriyiryuatkut (NWMB) Iqaluliriyitkullu talimani ukiuni iniqtiriplutik iqalutigut munaqhitjutikhamik.
“Pitjutauvuq parnaiyagamik pimmaruhuktumik pitjunautinik ataniqtuinirmigluInungnut ataagut Nunavut Angirutaata Angirutaagut ilautiyauhimaplutiglu Inuit Qauyimayatuqangit qallunaalu qauyihainiit,” Eetoolook uqaqtuq. “Hamna nakuuyuq tuhagakhaq nagunahuaqtinut. Inuit panariyaunialirmata munaqhinirmi tuugalikhiurnirmi, aippanganimit atatit atuqtaunngittut atuqtauttaliqhutik atauhirmut ukiumut amigaitqianik tuugaaktaliqhutik tunuanit Tasiuyaryuap umani ukiumi. Imaatut tautumakhaataqqut angutinik munaqhiniq itquhikhaanik aivaqatigiiktilluta Nunatarunmik kivgaqturhugit Inuit,” uqarhimaaktuq Eetoolook.
Atauttimut 82 atuqtauhimanngittut attatit aippanganimit tigumiaqtauvut 2015-mut ilautiyauplutik Atauttimut Anguyauttaqtunut 147-nik. Atauttimuklugit 239-nguliqqut tuugaalingnut attatikhat tunuani Tasiujaryuap tuugaaliinnit. Tuniuqqaqtauniaqtut tamainnut nunalingnut angunahuaqtaqtunut ukunanga tuugalingnit.
Hivuagut umaa atuagap atuliqtaunianut, attatit atuqtauhimanngittut utiqtitauvakkaluarmata Iqaluliriyitkunut Inuittauq attatinik atuqtakhaiqhutik. Nutaakkut atuagakkut, Aviktuqhimayuni Angutiliriyit pihimainnarnialiqtait atuqtaunngittut attatit atauhirmut ukiumut ahiit tuniuqqarlugit Angunahuaqtinut Nunalingni.
