Kilamik Tohaktitaoyoghak
(January 23, 2026 – Iqaluit, Nunavut) Igluvut Timingat katimangarhutik Hivulikpamik katimahimayot ukkua Katimayiit katimangmat Iqalungni ippaghak, naunaiyaotaotiakhutik angiyomik iliitagiyaotjutaovluni pivaliatjutaoyonik Inuit-hivuliktaitnik iglulikinikut tahamani Nunavumi. Ublumi atoktitlugo, ukkua Havaghitaohimayot Katimayiit katimahimayot angikhutjuk hapkua Igluvut maligait, manighagiyaghaia maligait, tatvalu tikuakhivlutik manilikiyioloaktoghamik, iliitagitjutikhaitnik ukkua Timyioyut ataniktotikhait tatvalu maligalikinikut tungavikhaat.
“Una piunirhauyok tatvalu taimaitokangititlugit hivumuvaliatjutikhaitnik hannavaliatjutighaitnik kayangaitunik akikitkiyanik iglughanik Inuinait ihagiagiyaitnik hivuliotiyagiakaktitlguit,” ukalaktok una ighivaotaolaktok Paul Irngaut. “Igluvut tukikaktok igluliogaloagiakaknik tahapkua Inuinait igluutighaitnik parnaiyaotikaklotik, iglulioklotik, tatvalu munagitiaklogit iglutighait Inuit, hannahimayait Inuinait.”
Ukkua Katimayiit katimayikaliktot malgoknik kivgaktoiyunik Nunavut Tunngavik-kunit (NTI-kunit) tatvalu ataohikmik tamaitnin Aviktoghimayoni Inuit Katuyikatigit. Hadja ihomagiloaknialiktat havaktighakhioklotik Atanioloaktokhamik tatvalu hivunighami aolaganginaktoghamik Katimayioyoghanik.
Igluvut ikkayoktaoyot taima manikhaktitaovlutik $135 million tallanik Inuit Iglulioknikut Manikhaghaitnik, ihuaghaktaohimayok atoktaogaaktokhanik hivunighagalokmi akikitkiyanik atogaonginaktoghanik kakugugalok Inuinait igluutighaitnik. Ukkua timioyut hatkitihimaliktot kangagaalok ihagiagiyaoloakhimayonik tahamani Nunavumi Inuinait iglukhaitnik ihomagiloakhutjuk tahapkua akikitkiyanik iglulikiyiit iglutaitnik akiliktoiyut tatvalu iglumingnik, ahianit ukkua Kavamatkut ikkauhiakutaitnik iglulikiyiit akikiliktotaitnik tatvalu havaktitiyot aolatjutaitnit.
Ukkiugalok atoktitlugo 2025-mi, ukkua NTI-kut Katimayiit, kivgaktoktaovlutik tatvanga Pikutaita Ihuakutaitnik tatvalu Iglulikinikut Ihomalioktiovlutik Katimayigalaat (IHAC-kut), ikkayoghiotihimayot tahapkuninga ihuaghaotighaitnik ukkua Igluvut ukualo Inuit Iglulioknikut Manighait. Ipaghak katimangmata pitjutaovalianiaktot tahapkua Angirratsaliulauqta havaginiaktait, Nunavumi hivulikpanguvluni Inuit Iglulioknikut Havagiyaghaita Parnaiyaotait, tatvalu NTI-kut ihomagiyaitnik tahapkuninga pivaliotighaitnik Inuit nunaliitni atoklugo una under Inungnik Makipalliatittiniq 2025–2029.
-30-
Pivalialikinikut Tohakvikhaat:
Ivaluarjuk Merritt
Ataniat Tohaktitilikiyiit
Nunavut Tunngavik Timingat
