2006-mi Inuit Nunarjuarmi Katimajingit Katimavigjuarniqaqtillugit Barrow, Alaska-mi, November 7 nalunaiqtausimalilaurmat Inuit Uplurijanganik upigusugutigillugu Inuit Nunarjuarmi Katimajingita niriugijaminik unikkaaqtiujup inuulirvianik, Eben Hopson Sr..

Inuit Uplungat atuqtillugu ikajuqtuiniqarutiungmat “tamarmik Inuit gavamagijangit, sanavvigijangit, ammalu nunaligijangit ukiutamaat nalunaiqsijiuqattaqullugit taassuminga uplurmik Inuit Upluringmagu, ammalu naammaktutigut quviasugutiqaqtittivaklutik qanuiliuqtittiniqaqpaklutiklu.”

Tavvani ukiurijattinni, ILITSINNIK tusaqtitaujumavugut! November 7-mi, aturlusiuk qaritaujatigut uqaluutialaatigullu una #inuujunga ilagijauqatauliqsimaqullusi, aturlusiuk tusaumaqattautilirijjutisi – suurlu Facebook-kutigut, Twitter-kutigut asingitigullu… – uqasiqarlusi pijjutiqaqtunik Inungnik, unikkaartuanik, ajjiliuqsimajatsinnik, qanuillariktuunirnik sulijuullutik, quviasugutiqarnirnik uvvaluunniit sunatuinnamik Inuunirnut quviasugutigijarnik.

atiit nunarjuap ukiuqtaqtunganirmiungulluta Inuunivut quviasugutigilaurlavut November 7-nguliqpat, Inuit Uplungat!