Qilamik Tuhaqtitauyukhaq
(Iidjirurvia 6, 2026 – Iqaluit, Nunavut) Quviahuutauniaqtuq una qulinguqtuq 10th tikutidjutaa haffuma Qilaut Titirarniq Atuutinik Akitaqutautit, Kavamatkut Nunavunmi (GN) ukualu Nunavut Tunngavik Inc. (NTI) ahavaqatigiliqtait ukua Alianait Arts Festival ilaujaangini uvani 2026 Qilaut Qungiaqtitijuni.
Talvanga aularutaanin uvani 2015mi, Qilaut tautuktitijut havatiaqhimajunik ukualu ajuitut Inuktut atuutinik titiraqtut atuqtuujaqtillu. Naunaijautigijaangani una quviahuutaujuq ukiuq, una 2025mi akimajut qungiaqtitauniaqtut avatiinun Nunavut aturiangini akimajut atuutit. Ilaujut qungiaqtitijuni, Alianait katimapkainiaqtut Inuktut titirarnirmun katimajuarutinik atautini nunallaani. Kangiqhidjutit piinarialaqiniaqtut nunamingni naalautini tuhaqtidjutinilu.
Qungiaqtitidjutit atugahait hamma nunallaani uvani:
• Tallimiut, Iidjirurvia 6 hamani Mittimatalik (7 p.m. uvani ulapqivikjuami).
• Pingattiut, Iidjirurvia 11 hamani Arviani (7 p.m. uvani ulapqivikjuami).
• Saalutimi, Iidjirurvia 14 hamani Arviani (7 p.m. uvani ulapqivikjuami).
Ingiuqtit kitut qungiaqtitiniaqtut qungiaqtitijuni ukuaThe artists Tooma Laisa, Kristy Kanayuk, Leetia Kalluk unalu Jocelyn Malla. GNkut ukualu NTIkut aulahimaaqtumik havaqatigiiktut hakugikhijuumiriangani uvalu akhuurutigilugu atungniq Inuktut aviktuqhimajumi.
“Qilaut akhuuqhajait ingiuqtut nunallaallu atautimuklutik quviahutigilugu Inuktut,” uqaqtuq Ministaa Uqauhiliqijitkut Brian Koonoo. “Atuutinik qungiaqtitijut haffumuuna akitaqutautikkut pidjutaujuq akhuurutait tamaqtailinirmun, akhuurutigilugu atuliqpalialugu uqauhiqqut hivuniptingni kinguliptingnun.”
“Inuktut haffumunga Tamainun hivuliujuq ukunani NTIkunun Inungnik Makipalliatittiniq hanaqidjutaanun. Uqauhiqqut pidjutaujuq nunaqjuap tautuktuumijaaqtaptingnun, maligaptingnun, idjuhiptingnun imaa Inuit,” uqaqtuq NTIkut Angijuqaanga Paul Irngaut. “Quviahuktugut ikajuqlugit pinahuarutait imaatun Qilaut taiaali hakugikhijuumirutaungman Inuktut ihuarnikkut qanuriliurutikkut, havattiarnikkut, nunallaat ukualu nipiit Inuit inmi.”
Avatqumajut qulit 10 ukiut, Qilaut ikajuqtut havangnirinun piqatigiingnirmun Inuktut atuqtuujat. Akitaqutautut tunihijut nuivalianirmun uvalu havaktauhimajut atuqtuujaqtut pijakhanik qungiaqtitinirmun, nipiliunirmun tuniuhainirmunlu inmi havaatik. Talvanga 2026mun, avatqumajut 100 atuutiliuqhimajut havaktauhimajut haffumuuna Qilaut, pidjutiqaqtut laivanik 11 atuqtuujanik tapkua pidjutiqaqtut amigaitunik ukiunik unipkaanik, pitquhirmun quviahuutinunlu.
Iliturittiarumaguvin mikhaanun Qilaut, takulugu Kavatkut Nunavunmi qaritaujaliqivia.
-30-
Tuhaqtipkainikkut Uqaqvigijakhat:
Ivaluarjuk Merritt
Aulapkaiji Tuhaqtipkainirnut
Nunavut Tunngavik Inc
Weichien Chan
Atanngujaq, Tuhaqtipkaijiit
Pitquhiliqijikkut Havagvia
867-975-5508
