(June 18, 2020, Iqaluit, Nunavut) May 28-mi, 2020 Nunavut Tunngavik Timminnga (NTI-kot) tonihivut Onniklotigiyamingnik omongga Mr. Fernand de Varennes, Naloghanggituk Havaagoyomut Ikinnikhaototigot ehoigohootaoyotigot titigakviani Kolvahiknikpaak Kamisitanggoyomut Kitotlikaa Pinnagiakaotaitigot Geneva-miituk, Switzerland-mi.
NTI-kot toniyaat ehoilaagotaohimayotigot Kaanata hoyagiiyaingginmata pihimmaaktaghagaloamingnik havaagiyaktik eningginmajuk nunakyoakmiotigut ehoaghaotaoyoghanik okonatigot Inuinnait pitkohigiyaitigot okaohiitigollo ikinnikhaovalaakmatagook nunakyoap havaotigiyaghaitigot omoona Kaanata sainikhikataohimayookmat.
Ilaa, Kaanata hoyagiiyaingginmata, holi taimahikhimmaangginakhotik, pinahoaklotik ehoaghaotaoyoghanik Inuinait okaohiitigot, Inuktitut okononggalo inuinait okaohiinik elihaktitinighamik, enoohigiknighaplo mighaanut, maligaliginioplo mighaanut alaniklo tatkaanikmionut kavamat ekayootighainnik pipkaikatangginmata. Hamna ehoigohootaoyuk ekayootighanik pipkaiyoilakijotaoyok Inuinnait hoigotigivaklakiyaat.
Kanoklikaa ekayotighat hailiyoghaoyut tamatkiommatilotik piyaovaktut kaanatamionit inmiot nanminik okaohikaktonut malgok okaotik a toktaoloakpaktuk Kaanatami taimaaut ittoghaoyoogaloak.
“Tamatkiommatiploni Okaogiikhimayuk Kitonotlikaa Atoktoghaokmat Inuit piinnagiakaotigiyainut. Talva Kaanatap ilitagiyaakaliktaat havaagiyaghatik Inuinnait enoohiit hapomminahoaklogitIt okaohiilo, elitkohigiyaitigollo. Inuinnait enoohikagiakalikmata hapikhimaitomik,” okaktuk Aluki Kotierk, Anggoykaagat NTI-kot.
Nunavunmi Inuinnait naklikhaakhimakmata enoohikmikni, okaohikmikkollo, pitkohitokakmitigollo, naggogiyaohimanikmikot pimmaklonaaktaovakhimaningmikkollo kanoktollokaa pittiaktaovakhimanggillamot, maligatigotloniit alatigollo, holi oblomi takonnagaaginnaktuk, Kaanata holi ehoaghaotaoyoghanik eniktigilamot pimmaklootaogaaginnaklakijotaovaklakivot.
NTI-kot tilivaat Kaanata pitkoplogit atottiaktoghamik maligakmik ehoaghaitkoplogit nakooyonik ekayootighanik pihimayakaligiagani Inuinnaknut okaohiitigollo, hapommijotaoyoghaniklo Inuinnait pitkohiinnik, elitkohitokainiklo naggohootaovaktuk tammaktaoyaagani homilikaa.
Oma titiakp ajikotaanik takoyomagovit titigakviagot Kolvahiknikpaak Kamisitanggoyomut, takoinnagialik NTI-kot kagitaoyatigot takoyaghakakviani ovongga pilotik www.tunngavik.com
-30-
Naonaikpaaligomagovit tohakvigiinnagialik ona:
Malaya Mikijuk
Ataniat tohagaghalikiyini Elihaktuk
Nunavut Tunngavik Timinngat
Okaotaal: 867-975-4900
Akiligiituk: 1-888-646-0006
