CBC-kut UKIUQTAQTUMI QUGIAQTITINIAQTUT “KAPPIATAITTUT”-mik QUNGIAKHAMIK KANATAUP UBLUANI
(June 30, 2021 – Iqaluit, Nunavut) Uvani Kanataup Ubluani, July 1-mi, Kanatamiut pigahuni ukiuqtaqtuni ajikutaqagitumik atuqniaqtut qungiariami ‘takuyauyariaqaqtut’ unipkaamik qungialiugaqmik, “Kappiataittut”-mik, ihivriuqhijut hatqiqpalianiganik Nunavut nipainit Inuit agiqatigiigutikhaliuqtinit, ukua 30-ni ukiuni avatqutut, inuujuhiqmik hanahimayut aalaguqtirivlutiklu nunauyamik Kanatami.
‘Kappiataittut”-qungiakhaq hanahimayuq 2018-mi Inuit Tuhaumajutiliqiyinit Atuqtunik (ICSL), ilagiyaa Inuit Tuhaqnaagakhaliuqtit Kuapariisiuyuup (IBC) havaaripkagauyuqlu Nunavut Tungavik Timiuyumit (NTI) atautikuuqatigiyaagani 25-ni ukiuni aniguqhimaniga sainiqtauniganik Nunavuni Agiqatigiigutip.
1960-ni ukiuni, nutaq inuujutiqaqtut Inuit tautuktuuyaaqtut aturuiqniganik ilitquhiqmiknik takuhimavlugilu agayuqatik ataatatiatiklu inuuniginik iqhivlutik. Ikitut ikayuqtiriit akiraqtuiyut inulramiit Inuit aginiaqhimayut ahiruqtirijutimik ahuurutinik ilitquhimik atuqluarutinik alamiklu inuuhiqaqniqmik. Tautuktuuyaaqta una – nunataaqnikut agiqatiriigut Kanatamiulu kavamait pijutauniaqtumik nutaamik ukiuqtaqtumik taiyauyuq Nunavut-mik. “Kappiataittut” takuupkaiyuq kaimaluaqtumik, aqliknaqtumik, 30-ni ukiuni akiniarutauyumik Nunaqaqaqtut ihumaqhuutainik aalaguqtirijut Kanatamiut Maligaqyuaganik. Uqauhiuyuq nipainit inuit Kanatamiut inuujuhianik hanayut.
“Qanuriliugitkuupta, niamgiyaariyauniaqtugut. Ahiupkaqtiniaqtaqut ilitquhiqut. Iliturigapta hunauniganik manimayuq, ihumahuiqtugut hakuiniriyaptiknik.” Qungiami, David Aglukark, Agiqatiriigutikhaliuqti, uqatiaqtuq ihariagiyauliqtumik Inuit ihuaqhariamikni atulihaaliqtilugu 1970-guyut ukiut.
“Quviahuktuga una hivunikhijut qungialiuqtaukmat atuqniqatiaqmat ilagivlugu inuujutipta unalu havaqatigiitut ayuruiqtiniaqmagit Kanatamiut ilitaagani inuujuhiqmik Nunavumi atulugulu una qungiakhaq ihuaqutigilugu hanahimayuq.” Uqaqtuq Manitok Thompson, Tukimuaktitiyi IBC-kuni.
“Qungiayavat Kappiataittut – ilumuuqtuq unipkaq qanuq Inuit, aguyakhimaitumik, havauhiqatiaqtut aalaguqniganik nunauyap Kanatami hatqiriagani ataniqtuivikhaq amigainiqhanik Nunaqaqaqtunik inuqaqtuq uqayuktunik, ilagini ajikiivyaktunik Inuinaqtut!” uqaqtuq NTI-kuni Ikhivautalik, Aluki Kotierk.
“Kappiataittut” qungiaqtitauniaqtuq Inuinaqtut 6-mi unukpat (Kivaliqni ubluqhiutagut) 8-milu July 1-mi CBC-kut Ukiuqtaqtumi Tuhaktitiviatigut.
Qungiakhalu qahaktuq qungiariagani IsumaTV-kut qaritauyami qungialiuqtani
Tuhaqtitijutikhanik ihivriuriagani ihuaqhaqlugilu uqaqatiriigutit ilauyuluaguyulu, uqaqvigiyavat una:
Karen Flaherty
Ikayuqti Hivuliqhuqtimik
Nunavut Tungavik Timiuyuq
Tel: (867) 975-4900/Toll-free: 1-888-646-0006
Karen Prentice
Hivulikhuqti Tuhaumayutinik
Inuit Tuhaqnagakhaliqiyit Kuapariisiuyuq Tel: (226) 222-8742
