Kilamik Toniyakhak
(April 15-mi 2024-mi – Ikalokni, Nonavumi) Talvani saniunikmi Nonavut Tungamik Timeoyok (NTI) koveahoktut okaktitagani Takti Theresa Tam, Kanataop Inoknik Monakhiloaga Atangoyak, Nonavumi nonagiyaoyoni Naoyani, Mitimatalikmi, Ikaloknilo. Takti Tam polakniga ataotikuktok havitaoniganik nonagiyaoyomi tamaeni naonaeyageagani monakhini TB-kaktonik Naoyani.
Naoyani, Mitimatalikmilo taya atolikmata TB-mik aneagotikaktonik, atogeakagitugaloak aneagotaohoelaktoklo aneagut aktoknikaktonik Nonavumi Inoenaknik kayumiknigani 4-hananik kayumitkiyamik atoktaoyonik nonakyoami amigaenigini. Polaknik Nonavumut piyotaoneaktok atoktakhanik Kanataop taktiloap havakatigiyagani NTI-kot, ikayoktikaklotiklo GN-konik, takoyagani inmik ilaginik inuhikmi ihomagiyaoyonik, ayikotaenik iglokhanik ihageagiyaoyonik nikikhakateaginikmiklo, aktoknikaktonik aneaginikhaenik Nonavumi Inoet.
Takti Tam aolaokatikakneaktok NTI-koni Tukleanik Ikhivaotalikmit Paul Irngaut-mit, Kavamani Ministaoyomit Aneaktolikiyini John Main-mit, Nonavumi Tukleanik Inoknik Monakhiloaga Atangoyamit Takti Ekua Agyemang-mit, kavilo havaktoni ilaoyut NTI-konit, Inoet Aneagitagani Havakveoyumi Kanatami (PHAC), Kavamanilo Nonavumit.
“Nonavumi Inoet akhugotikaktut aktoknikagitonik amigaenikhanik Kanatameotanik naonaeyaetilogit aneaginiginik,” okaktok Paul Irngaut, Tuklea Ikhivaotaleop NTI-koni. “Takti Tam manikameoyagani polaknigani Nonavumi nonagiyaoyonik pivikhakaktineakta takoyagani inminik ilaginik ayokhaotaoyonik Inoet atokpaktaenik atoknahoaktilogot monakhiyotit atoktaoyut Nonavumi.”
Polaknik ilakakneaktok malguknik ublukni katimaniknik holiveoyoniklo Ikalokni. TB ihomagiyaoloakneaktilogo tamat polaknikmi, Takti Tam katimakatikakneaktok nonagiyaoyoni ikayoktigenik timeoyoniklo okaohikageagani agilgakaginikmik, aneaktaeliyotinik ilihageagani, ihomakatealigeagani, aneagitagani ilitokhaotit holiyotit Noavumi, ukonani ilagini okaohikhani.
Tohagakhalikiyinit Okakvikhak:
Kevin Kablutsiak, Hivolikhokti Tohaomayotinik
Nonavut Tungavik Timeoyomi
