Kilamik Tohaktitaoyagiakaktok
(March 18, 2026 – Iqaluit, Nunavut) Nunavut Tunngavik Timingat (NTI-kut) Ilaukatauyut tatvalu ukkua Katimayingit
ihomaliokhimaliktot, on March 13, 2026-mi, hivuvagaligomavlutjuk tahamna Niguaktitiffaaknik NTI-kut Angayokaghanik tatvanganin ubluanin December 2026-min tatvunga May 27, 2026-mun.
Tatvani January-mi ukkiumi atoktumi, NTI-kuni Ilaukataoyut tikuaghihimayot Toglianik Angayokap uminga Paul Irngaut Angayokap innanungaktitugo, una Angayop innigiya inukagoikmat. Ukkua Ilaukataoyot ihomaliokhimayat malikayat ukkua NTI-kuni Katimayiit, taimaikatakmatguuk ayungnakatakmat ukkua NTI-kut piyumagaluaklutjuk kivgaktoitialimaitmata Inukutimingnik kinguani malgok tatkighiotini ataohinaotitlugo una ataniktoiyot angayokagiyat havaktitlugo.
“Una Angayokap havaiya pimagiungmat kivgaktoitianikmik Inuit nippigiyaitnik tatvalu tigomiakhuni ukkua NTI-kut havagiyagiakaktait tatvani Nunavut Angikutaatni,” ukkatok una Angayokangat Paul Irngaut. “Tatva una niguaktitinik uktutiginiakmatjuk hapkua Inuit inmingnik niguaklotik Angayokaghamik tatvalu pitjutaoniakmat tatva ukkua NTI-kut piyimaniakmata tamakmik Angayokamik tatvalu Togliginiaktanik hivulikniaktitlugik NTI-kunik.”
Ilaliotilugo tatva, ukkua Ilaukataoyot katimayiit tikuaghihimaliktot uminga Adamee Itorcheak, Titigaktii-Manilikiyii tatvani Qikiqtani Inuit Katuyikatigit-kuni (QIA-kut), Toglianun Angayokap NTI-kuni tikitiklugo una Niguaffakhimalikata taimatut ikkayokniakmat hivuliktionikut aullahimaakuvlugo.
“Ukkua Katimayiit hivuliotiyat tatva ukkua NTI-kut huli havaghimaakuvlutjuk nutkaktitaohimaitumik havagiyamingnik,” ukaktok Irngaut. “Taima tiguakhivluta hadjakaffunuak Toglighanik Angayokap pitjutiginiagaptitku hivuliktikatiagiaptingnik tatvalu hatkitikataklugit tahapkua havagiyagiakaktavut huli hannaiyaghimaaktitluta tahaffuminga Niguaktitiffakutighanik.”
Uktukovlugit tamaita hapkua niguagungnaktot Inuit niguagiaktokulugit tatvani Niguaktitiffalikata tatvani May 27, 2026-mi, Ukkua NTI-kut Katimayiit ihomalioghimayot tatva NTI-kut huli aittutighanik $100 talanik titikamik niovgutikhanik aittokatakniaktait tahapkua niguagiaktokhimayot, tahamna mannik aittutaoniaktok tatvangakniaktok uyagaghioktit maniliokhimayatnit Inuit Nunaotaitnit.
Huli tuhaktitiniagivut Niguaktitiffaakniaktitlugit tatvalu tahapkuninga aittutaoniaktonik kilaminuak.
-30-
Media Contact:
Brodie Larocque
Hadja Ataniolaktok Tohaktitilikiyiitkuni
Nunavut Tunngavik Timingat
