Killamik Tohagakhak
(August 28, 2025 – Kinngait, Nunavut) Ukkua Nunavut Tunngavik Timingata (NTI-kut) Katimayiit katimayut tatvani Kinngaitni tatvani pingiaknikmi, pivaliotigivlugit kaffioyot tahapkua katimatjutaoyot, illaliotivlugit angikutait tahapkua Nunavumi Inuit Iglutakutikhaitnik Maligak, manighagiyaohimayot kavamatokatkunit Nunakakaktunit igluliokutikhaita manighaitnik, tatvalu aolakutikhat tahapkua Ilikuaktunik-maniliokutaongitunik (INFP) ataniktotikhaita aolatjutikhait ukkua Aqqusariaq-kut.
Manilikitjutaitnik Ihivgiokutait
Ukkua Katimayiit ihivgiokhihimayot tatvalu angikhimayat ukkua 2024-2025-mi Ihivigioktaohimayot Manilikitjutaita Naunaipkutait. NTI-kut huli taitai tunniyaohimangmiyot namagiyaokpiaktonik ihivgiokutaitnik pikangitiaktot havakviatni manilikinikut ihomalotaoyonik manilikitjutaita naunaipkutaitnik. Katimayiit naunaiyakhimayat taima 46%-nik angiklilakhimayot tahapkua havagiyaoyot akkiliktotait, angitkiyanik akkiliktoihimayot tahapkuninga Inuktut ukkaohiitnik tammalaipkutikhaitnik, iglulikinikut, ukkua Inuit Anniaktailinikut Naunaiyaotaitnik, Ilihagiakpalikutaoyonik, puvakluktunik mamihautikhaitnik, tatvalu inminiktailitjutikhanik havagiyaoyonik.
Tahamna aipagotoagangat avaakhakataktait tatvanga Nunavumi Maniit Totkomaviatnit kulvakpalikhimayok imatot $92.9 million talanik, malgoiktakhugo avatkutat una $44.5 million talanik aippanganimit avaghagihimayat. Tatvanganin, $16.99 million Talaat naunaikhimaliktat kihiani kaitaungitot huli. Ukkua Katimayiit huli tunniyaohimayot kingolikpanik manikhaktitaovlutik imatot $56.4 million talanik aivatjutaohimayot attogagiyaitnik tatvalu illiogakhimaliktait tahapkua maniit tatvunga notanut aolakutilihaaktunot Nunavumi Inuit Igluliokutikhaita Manikhaitnun taimatot atoktaohimagiangani hivumut Inuinaknit.
Nunavumi Inuit Igluliokutikhaia Maniit
Malikavlugo una aolakutat Nunavumi Inuit Igluliokuikhaita Maniit tatvani June 2024-mi, ukkua Katimayiit atokniakliktat una maligak hivunighitjutikhatik hivunighami aolatjutikhaita. Una Manighagiyat ikkayohiakutigihimayat $135 million talanik, illaliotivlugit $63 million talanik tatvanga aivatjutaita attokiotaohimayot uttiktitaohimangmata maniitlo naovaliatjutigihimayaat, tatvalu huli illaliotihimayot $72 million talanik tatvanga NTI-kut avaakhangat tatvanga 2022-mi Manighagihimayat Inuit Igluliokutikhaitnik maniitnit.
Inuilhumi NTI-kut Inuit Igluliokutikhaita Maniit tahamna notanguvluni hivulikpanguyok manilikinikut ihuakhaitikhat igluliokuikhaitnik tahamani Nunavumi. Ihomagiyaohimayok pivaliotaotkovlogit tatvalu akkitovalangitonik paknaiyaotaoyonik iglutakutikhaitnik piikpalialugit tahapkua akkitovalaaktot aolatjutikhait tatvalu hannatjutikhait igluut atoklogit tahapkua aipagugangat ikkayohiakutaoyot tatvanga manighagihimayaitnit.
Tahamna manighagiyaoyok pitjutaoniaktok tahapkuninga notanik Inuit Iglutakutikhaita Katimayiit huaghaitjutikhaitnik akkikitkiyanik igluliokniaktaitnik tahapkua Aviktoghimayoni Inuit Katuyikatigit munagiyaolotik katimayigiyaitnit.
Ukkua Katimayiit attikhimayat ukkua nutaat timioyot imatot Igluvut (angilgakvikput). Aolagotilogo una manighagiyaghat tatvalu ukkua iglulikinikut katimayiit tatva malgok tunnikhimatjutigiyat tatvani Angirratsaliulauqta. Una ihomagiyaoloaktok tatvani Igluvut ihuaghaitjutiakhaitnik tahapkua “no-strings attached” iglutikhanik Inuinait hannahimayaitnik Inuinait, atangitot havagiyaoyonot, tatvalu piikpaliayangita nigiogiyaokatakninganik Kavamatokatkunit, Nunavut Kavamatkunit tatvalu ahianit iglutaakutikhanik.
Kaplunaat Nunaitni, Hillatatni Inuilgumi Ukkiuktaktumilu Manighagiyaghait
Ukkua Katimayiit angikhimayat hapkua ikkayohiakutikhat $98 million talanik tahapkua Kaplunaat Nunaitni, Hillatatni tatvalu Ukkiutaktumi havagiyakhait ukkua NTI-kut ikkayotikhat igluliokutikhanik. Hivuliotiyagiakaktot tahapkua illaliotilogit Nayogvikhaitnik aknait nutakatlu kimaayot ningaktaohimagamik, Innikhigit tatvalu inolgamiit ayoghaktot. NTI-kut huli havakatigihimaakniaktait ukkua Nunavut Kavamatkut tatvalu Kavamatokatkut pikatigilugit tatvani Aviktokhimayot Katimakjuaktitlogit Ihoaghaotikhaitnik tahapkua Angilgakangitot nayokvighaitnik tatvalu ukkua Nunavumi Ikkayokatigikhutik Katimayigalaat Iglulikinikut ikkayokatigiiklotik ihuakhaotikhanik havakatigiiklotik.
Angilgakakviliokutikhaitnik Manigagiyaoyokhat
Ukkua Katimayiit attiliokhimayaat una akkiliktotikhat parnaiyaotikhak $17 million talanik kavamatokatkut Angilgakakvikhaitnik manighagiyaghat hivunighami hitamanik ukkiunik atoklugo. Hamna hakkugighivaliutiginiaktat ukkua NTI-kut Aviktokhimayoni Inuit Katuyikatigit pikataokatagiangita tatvani Katimakjuakata Ihuaghaotikhaitnik Angilgakangitot Nayokvikhaitnik, ikkayokhiotilotiklo Kaplunaat nunaitni Inuit timioyot kivgaktoititlogit Inuinaknik angilgakangitonik kaplunaat nunaitni tatvalu nallaumaliagiangita tahapkua ikkayoktikhait Nunavut Kavamatkut Havakviatni Inulikiyiit ihuaghaotikhaitnik angilgakangitonik nayogaghaitnik tahamani Nunavumi.
Aqqusariaq Mamihakviatni Nayokviat
Ukkua Katimayiit huli angikhimangmiyaat tahamna aolagotikha Aqqusariaq, una notaak illikuaktok, maniliokutikangitot katimayiit tatvalu ukkua NTI-kut avaliitot katimayiikatigivlutjut. Una ihomaliokutat malikhugo una Nunavut Kavamatkut 2023-mi attiliokkhimayat tatvalu una 2025-mi ikkatotaoyok NTI-kunik attiliokutikhat ukkua timioyot. Una aolakutat ukkua Aqqusariaq pitjutaoyok tunnikhimatjutatnik hatkikpaliatjutikhaitnik Inuit-Hivulikniaktatnik, tahamani Nunavumi angayaaknikut tatvalu uittagyaaknaktokaktonik mamihakvikhaat tungavikaklotik illiitkuhiktotinik tatvalu Inuktutkutaitnik.
Una piyumayaoyok ataniktotaoniaktok illikuakniaktok katimayikaklotik, pitjutikaklotik tamatkikhimalogit kivgaktoiyokhat tatvalu nallaomatiakluni nakunikhaoyonik atogaghanik naunaiyakyaohimayonik tatvani inclusive representation 2025-mi Kaoyimatjutikhaitnik Ataniktotikhaitnik ukkua Aqqusariaq katimatjutaohimayonik unipkangitnik.
Kanatamiiut Ilihakviitni Nikkitaotikhaita Manighaghait
Ukkua Katimayiit huli angighimangmiyat tahamna ikkayohiakutikhait $5.9M talanik tahapkua ilihakviitni nikkitaotikhaita manighaghait tapkua ukkiut 2024-min 2026-mun taima tahapku ilihakvioyot humilikak Nunavumi huli angmaomahimaagiangita ilihakviitni nikkitaotikhait ilihaktot kaaktailitjutikhait tatvani ukkiumi atokniaktomi.
Tahamaniititluta Kinngaitni, NTI-kut ikkayoktigiikhuta ukkualu Qikiqtani Inuit Katuyikatigit (QIA-kut) atkunaktugot katipkaigapta nunaliitni koviahutaotilugo tatvalu niggikatigiikhuta ilihagiyaohimangmat tahapkua QIA-kut 50-nik Nalliutihimalikmata. Katihimayot 300 Inuit avatkutunakhiyok tatvani Peter Pitseolak Ulapkiviani nikkainaktokhutik, atoktuyaktitivlutik, ullapkipkaivlutik akkitakutaotiyuniklo huukiyaktitivlutiklu numikpaktot. NTI-kut hagimagiyaat ukkua QIA-kut taimangagalok akunnaotikakhutik iliitagiyaohimangmata, koanakpiaktot nunakatigiit tatvani Kinngaitni tunganaakpiakmata.
Pivalialikinikut Tohakvikhak:
Ivaluarjuk Merritt
Ataniat Tohaktitilikiyiit
Nunavut Tunngavik Timingat
