Kilamik Tohagakhak
(November 5, 2025 – Iqaluit, Nunavut) Nunavut Tunngavik Angayukangat, tatvalu ighivautalik tatvani Nunavut Tunngavik Tungaviatni Jeremey Tunraluk kuviahuktok tohaktitiyumavluni tahapkuninga 2025-mi akkihimayut tatvani Inuktuuqta! Inuktut Nunipkanik Titigakhutik Takhihimayut. Tahapkuanguyut Margaret Neeveacheak-Steele, Raigili Amaaq, Megan Maata Ungalaq, unalu Daniel Kuluguqtuq.
Tatvani Havailakmi, November 8-mi, una Inuktuuqta! Akkitakutinik Kungiaktitiniaktot tatvani Aqsarniit Hinniktakviatni tatvalu Katimakvikjuangani Iqalungni, Nunavut tahapkua tathiniaktut ukkautaoniaktut. Una atauhik takhiniaktok aittoktauluni taktarhamik $80,000 tallanik tatvalu ikkayoktaoniaktok huli titigakhimakuyaovluni atauhikmik ukkiumi ihuaghaktaoniakmata titigakhimayaitnik makpigaliuktaolutik. Huli hapkua takhiyakhat aittoktauniaktot $10,000, $5000, $3000,tatvalu $2000 tallanik.
Tatvani Inuktuuqta! Inuktut Titigaktut Akkitakutinik Kungiaktautitlugit illaliotiniaktut attuktuyaktit Nunavutmiutait Christine Tootoo tatvalu Tooma Laisa, Janet Aglukkaq unalu Kathy Keknek, kungiaktauluakluni attuktuyakti una Silla x DJ Lambo.
Tatvani ukkiumi kungiaktittilugit illaliutiniaktot hapkua kungialiuktiuyut ikkayoktigiklutik tamaita Inuit kungialiutit ikkayoktitlu, nipiliuktit tatvalu kulliknik havaktut, tahapkua havakakluakniaktot ayungitut Akkukitumit tatvalu ilihaktitaolutik hapkua Nunavunmiutat, ihomagivlugit taimatut hannavalialutik tahamani aviktughimayomi kakugo hivunighami. Kungiakutikhat akkiligiakaktut piyagialgit kagitauyakut tatvani titigakviatni Eventbrite: https://www.eventbrite.ca/e/inuktuuqta-inuktukta-mik-hosted-by-nti-tickets-1708654273929?aff=erelexpmlt
Una Inuktuuqta! Inuktut Unipkanik Titigakhimayut Akkitakutinik Kungiaktauniaktitlugo huli kungialiuktauniaktok tatvani Uvagut Tiivikut tatvalu kagitaoyakut takkunakniaktok kagitaoyakut titigakviani uvagut.tv
Pivalialikiyiit Tuhakvikhat:
Ivaluarjuk Merritt
Ataniat Tohaktitilikiyiit
Nunavut Tunngavik Timingat
