Qilamik Tuhaqtitaujukhaq
(Imaruqtirvia 20, 2025 – Iqaluit, Nunavut) Nunavunmi Paanariiktunun Katimajiit (NPC) – Ilaujut ukuat Ministait Katimajiit ukunanin Nunavut Kavamanga (GN) Katimajiillu ukunanin Nunavut Tunngavikkut Timinga. (NTI) – katimajut ublumi Iqalungni hivumuuqtitaangani uqaqatigiingnikkut hivuliujukhat.
Katimajuni, katimajiit angirutigijaat malruk nutaak havangnirmun upalungaijautit ukualu hanaqidjutit turaangajut Igluqpangnun ukualu Ukiuqtaqtumi Ataniudjutinun Munaridjutinunlu. Katimajiit talimat atuqtaujut havangnirmun upalungaijautit turaangajut Nutaqqanun Munaridjutinun, Inirnikhanun, Igluqpatigut, Nunallaani Maniliunirmun Pivalliadjutit, Ilihaidjutillu.
“Quviagijaqqut Nunavut Tunngavik Inc.’s hivuliqhurnirmuninmi havaqatigiingnikkut upautidjutit hivumuuriangani hapkua akhuungnaqtut ajuqhautit, kitut hulaqutigijait tamaita inuit aviktuqhimajumi,” uqaqtuq Hivuliqti P.J. Akeeagok.
“Quviahuutigijaqqut pijakhat havaqatigiingniq kanadami-havangnirmun havaakhat tapkua ikajuutauniaqtut munaridjutinun Kanadami Tununganun. Hivumuuliqtugut hapkunani kituni niriuktugullu aulahimaaqtumik havaqatigiingnirmun ukununga NTIkunun ihuaqhijuumiriangani inuuhiit Inuit Nunavunmiunlu.”
“Havaqatigiingnikkut tikinahuarutit aulahimaaqtuq ihuarnikkut atulirnira una Nunavunmi angirutit, kitut munaridjutaungituinait Inuit pilaarutianun kihimi tungaviujuq nakuuhivalianirmun, Ukiuqtaqtumi munaridjutinun, ukualu munaridjutit kitut pihimajut Inuit Ingilraanin aulahimaaqtumiklu atungnirit najugaillu,” uqaqtuq NTIkut Angijuqaanga Jeremy Tunraluk. “Hapkua malruuk nutaak havangnirmun upalungaijautik havaktauhimajuk ihuaqhijuumiriangani Ukiuqtaqtumi igluqpatigut tapkua ihuaqhijuumirutiniaqtut Inuit inuuhiinun ukualu anginirhakkut hivumuunira Kanadami piumajait imaa akhuurutigiblugu Ukiuqtaqtumi ataniudjutit uvalu angmaqtiqlugu maniliunirmun pijakhat Nunavunmi.”
Katimajiit havaktut haagiangini Havaqatigiingnirmun Uqariirutit, angiqtauhimajut uvaniQiqailruq 2022, kitut ilitarijaat tapkua GNkut ukualu NTIkut atuqtaujut hivuliujukhat piumajaujut, ukualu havaqatigiingnirmun ilauqatigiigutit ikajuutauniaqtut tamainun Nunavunmiunun. Tamna anginiqhaujuq tikinahuaruti havaqatigiingnirmun pihimablugu Inuit ihumagijainun imaa naunaijaqlugit ihuaqhaidjutikhat, tunihiblutik ikajuutinik, uqautigiblugit ajuqhautit.
Una Nunavunmi Havaqatiingnirmun Uqariirutit piinarialgit qaritaujami uvani www.tunngavik.com.
-30-
Tuhaqtipkainikkut Uqaqvigijaqhat:
Ivaluarjuk Merritt
Aulapkaiji Tuhaqtipkainirnut
Nunavut Tunngavik Inc.
Sima Sahar Zerehi
Atan’ngujalluaq Ihumaliutqiqtaudjutiqhanut Aulapkaidjutait
Havagvia Hivuliqtip P.J. Akeeagok
(867) 975-5059
