(January 10-mi 2014-mi – Ikalokni, Nunavumi)
Ilagani Ahinun Sikugeaknikun Akileotikhanik Agikatigegutaoyomi, pivikhakaktok atogeagani ameakun manikhaakhani Inuyutaoyonin Akileotinik Tutkumavikmi Manihaakhan atogeagani Inum Ilihaknikun Ilitakhiyotinun Havaani. Tamaeta ahinun sikugeakhimayugaloen pihimayun Inuyutaoyonik Akileotinik 2007-min 2012-mun ilaolaktulo atoknigani Inum Ilihaknikun Ilitakhiyotaoyok. Inum Ilihaknikun Ilitakhiyotaoyok Havaak agiktaoyok atuligeagani January 1-mi 2014-mi. 2-taoan 6-hanat Inoen ilaolaktun uvani Inum Ilihaknikun Ilitakhiotaoyomi, Inoelo nunakaktun aheani Nunavut.
Nunavut Tungavik Timeoyok ahelo Nunakakaktun timigiyaen agikatigegutigihimayaan atogeakaknigin kanoginikhaelo Inum Ilihaknikun Ilitakhiyotaoyok Havaak kanatamilo kavaman.
Nunavut Tunngavik Inc. and other Aboriginal organizations negotiated the terms and conditions of the Personal Education Credit Program with the federal government.
Ataohekhogu Inum Ilihaknikun Manikhaakha 3-taositala manenaoneaktok sakhaklonilunen, kiheani ilitakiyun ilihakvigiyomayaani sikuktukham ilihageamini pineaktok.
Inum Ilihaknikun Ilitakhiyota monagiyaoyok Crawford Class Actions-konin Ikayoktinin, tuyukhimayun makpigaanik ahinun sikugeakhimayugaluyonun pihimayun Inuknin Inuyuhenik Akileotaoyonik atolihalikman ukeok una.
Atoktakhakakneaktok Inum Ilihaknikun Ilihakhoyotaoyok:
• Tukhiktok tikoakhilaak atogeagani Inum Ilihaknikun Ilitakhiyun tamaan.
• Tukhiktok tikoakhilaak atogeagani Inum Ilihaknikun Ilihakhiyun ilaenanik nulogulo ameakoa tamaan malguknun ilagiyaminun.
• Tukhiktok tikoakhilaak avigeagani Inum Ilihaknikun Ilitakhiyun ilaoyaamini malgukni ilitkohiknik ilihaknikulunen sikugutiknik.
• Tukhiktok tikoakhilaktoklo nutaagani taman Inum Ilihaknikun Ilitakhiyun amigaenikhanik malguknun ilagiyaminun.
• Tukhiktok atulaaktok ataotimugeagani Inum Ilihaknikun Ilitakhiyotaen ilihakatigegeamikni ilitkohilikinikulunen ikayutini aalalo tukhiktun.
Inum Ilihaknikun Ilitakhiyotaoyok akileotaoneaktok ilaoyotinun, akiligakhanun, aolagutinun hiniktaotikhanulo akitoniginik, nigiyotinun, makpigaanun, kagitaoyanun, ihoakotinun, ahenulo akiligeakaktonik piyotikakata ilitkohikmik ilihaknikmiklunen sikukvikni, piyaolaktoklo ukunani havaani ilitkohikmik ilihaknikulo ikayutini:
• Nunagiyaoyoni timeoyun havakvelunen Inoen ilitkohenik, okaohenik, inuyuheniklo ikayutikaktun.
• Ilihakpaalikven havakveoyun Kanatami, kavlonan unagiyaeni ukeoktaktomilo.
• Naonaeyaevikni ilihakvikni hanayuhikniklo sikukveoyoni Kantami.
• Nutakan ilihalihaakveni igluni nunakikiyotinulunen ikayutinik (inulihanoen siksinun ukeokaktonik).
• Nukakheoyun agayukheotkiyalo sikukven Nunavumi (Sikulihaanin ayoeniginun 12).
Inum Ilihaknikun Ilitakiyotaoyok Havaak ukuniga aolanikaktok atoknikhaagun:
• January 1-min 2014-mi – Atolikniga Uploani.
• October 31-mi 2014-mi – Ihulilvikhaa titigageagani Keoyotaoyonik Makpigaak.
• December 1-mi 2014-mi – Ihulilvikhaa Piyaagani Ilitakiyun (Atokneaknigagun Makpigaak titigagaoneakok ilitkohiknik ilihaknikulunen ikayoktoeyomin inum atogumayaanin).
• Ilikohiknik ilihaknikulunen ikayun tukhiktum atogumayaa ilaovigiyaolaktok ihomamigun anigukan December 1, 2014-mi inuk pitakhimalikan Inum Ilihaknikun Ilitakhiyotayok ihulilvikhaa tikitinagu.
NTI-kon havaktitiyun malguknik inuknik ikayoktogegani sikugeakhimayugaloanik Nunavumeotanik umani havaami. Hivonikhivaaligumaniguvin, hivayaenagealik NTI-kon uvani (867-975-4900-mi uvalunen 1-888-646-0006-mi, takologulunen kungeakhak kagitaoyami www.tunngavik.com-mi.
