(May 28, 2012 – Kangiqliniq, Nunavut) Angayuqqaaq Cathy Towtongie, Aulapkaiyiqyuat havaktillu talvani Nunavut Tunngavikkut Timinganit uplumi quviattangnariquyut Kelly-kut ilagiik tuharamik huirutaanik Jonahp, May 26-mi, 2012-mi Ottawa-mi Aanniaqvingmi.

“Itqaumagiyaqqut Kelly-kut ilagiit ayuqnaqhuni tajja” uqaqtuq Towtongie. “Jonah havakluaqpaghimayuq nutqaqtailipluni tuhaqtittiyumapluni ukiuqtaqtumiunik ihumaaluutainik imaalu uqauhiptigut tuhaqtittivaktut naatkutigiighugit tuhaayaghanik aullaqtihimayainiklu. Inuktitut tuhaayaghat tuhaqtauvaktut upluq tamaat aimavingnit Nunavunmi havakpakkamik inutquuqatiilu.

Jonah qauhimayauttiaqtuq CBC-kunni uqaqtiuvaktuq, uqauhia taima, tavva takkua tuhaqtauvaktuq Ukiuqtaqtumi tamaat 30-nik ukiunik avatquanik. Havaaminik iniqhittiarumayuktuq taimaa Inuktitut uqauhiit atuqtittivalliaquplugu uqauhiulluaqluni naalautikkut, imaalu huliyughat aghuuqtait Inuit nunallaamingnik tuhaqtitauquvagait. Tuhaqtittivaktuq nunallaanik, kanatamik nunaqyuaptingniklu tuhaayaghainik uqauhiagut tukihinnaqtut uqauhiit Inuktitut uqauhiinit, katittivalliapluni Inungnik. Qaplunaat nunaaninngaaqtut tuhaqtittiyit unniutjauvaktut taimaa “taapkua BBC-kut ‘Quinngup Qaplunaatut uqauhianik’ uqauhilgit, taapkualu Inuktitut uqauhiit uqauhilgit‘Kelly Uqauhianik’.”

“Jonah uqauhiqattiaqtuq uqauhiptingnik” uqaqtuq Angayuqqaaq Towtongie, “Tuhaqtittivaktuq tuhaayaghanik nunaqyuamilu tuhaayaghanik ilitturinnaqtumik uvaptingnut, nunallaaptingnilu ihumaaluutivut Inuillu ilitquhiinik amigaitqiyanut Kanatami naalaktunik tuhaqtittipluni. Atatapkaivaktuq nunallaanik Nunavunmi, ilaupkaqtittivalliavaghuni, ilitturihimagami qauhimayatuqaniklu qauhivighavut.