Pivalialigiyit Havakviit

Nunavut Tunngavikkut Ukiuq Nunngutaanit Katimahuirutaat

(November 24, 2011 – Iqaluktuuttiaq, Nunavut) Nunavut Tunngavikkut Timingat Ukiuq Nunngutaanit Katimayunut ilauyut taimaaqtiqtut Iqaluktuuttiami uplumi. NTI-kut Angayuqqaangat Cathy Towtongie uqaqtuq taimaa katimatjutigiyait aulattiaqpaktut.

“Katimatilluta aulattiaqpaktuq. Ilauyut angiqhimayaat ukiuq atuqtaghat kiinauyait Nunavut Tutquumavianit, ihivriuqhugit angiqhugillu taapkua ihivriuqtautaaqhimayut kiinauyanut titiqqat taamnalu 2011-mi NTI-kut Ukiumut Naunaitkutainik, angiqhugulu taamna Pitqutighanit Kiinauyait Piquyaghainik,” uqaqtuq Towtongie. Unipkaangutillugu NTI-kut kiinauyanut titirautait, Towtongie uqaqhimayuq taimaa ihivriuqhiyit uqauhiqattiaqpaktut havauhiinik munaqtiaqpakkamik kiinauyaliqiplutik.

Pitqutighanit Kiinauyait Piquyaghait angiqatigiighutik aulattiaqpaktuq NTI-kunnit Aviktuqhimayunilu Inuit Katimayiinit munariquplugit pitqutinit kiinauyait Inuit nanminiinit nunanik, aullaqtiquplutiklu Pitqutighanit Kiinauyanik Tutquumavighaanik munarahuaqlugit tuniqhainiqmiklu kiinauyaqtaaqtainik.

NTI-kunnut ilauyut katimanahuaqtut Iqalungni aippaagu October-mi ukiuq nunngutaanut katimavikkumik.

Angiqtauhimayut kiinauyanik tughiutit talvanngat Nunavunmi Tutquumavianit ukiumut 2011/12-mi titiraqhimavut ataani.

Nunavut Tunngavikkut Timingat $ 19,261,378
Qitiqmiut Inuit Katimayiit 4,722,343
Kivalliq Inuit Katimayiit 4,174,264
Qikiqtani Inuit Katimayiit 5,487,089
Inuit Ilitquhiliqiviat 1,324,577
Nunataaqhimayut Ikayuutighait 220,975
Nunallaanit Kivgaqtit Titiraqtit 2,605,310
Ahiagut Tughiqtauyut:
NIRC-Kiinauyaqhiuqnikkut Kiinauyaghait 1,453,198
NIRC – Sivummut Kiinauyaghait 300,000
Kivalliq Inuit Katimayiit 363,772
2,116,970
Naallugit 39,912,906
Iniqnirit Ikayuutighait 2,160,000
 
NAALLUGIT TUGHIQTAUYUT NUNAVUT TUTQUUMAVIANIT $ 42,072,906


Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: