Pivalialigiyit Havakviit

NTI-kut Angiqhimayut Huuhuiqtittiyunik Hiqquqtiutit Titiraghainik

Nunavut Tunngavikkut Timingat Angayuqqaanguangat James Eetoolook uplumi niruaquiyuq Maligaliuqtinik Kavamatuqanit huuhuiqtittinahuaqlugu Hiqquqtiutinut Titiraghainik taapkua uqautaulirumik Maligaliuqvikyuami September 22-mi.

“NTI-kut amiqnaittumik hiqquqtiutinik atuquvaktut,” uqaqtuq Eetoolook, “Kihimi talvani Hiqquqtiutinut Maligaqni Inuit inuuhiit Nunavunmi ihumagiyaunngittut. Hiqquqtiutit iharianaqtut Inungnut anguniaqniqmut niqighaqhiuqniqmutlu ilagiingnut.”

“Maligaliurahuaqtut titirarahuaqhutiklu laisinik Qaplunaat nunaanit atuqtauyughat ihuinaarutauyut Inungnut anguniaqniqmut, imaalu amiqnaiyautaunngittuq paliihimanut inungnullu Nunavunmi.”

Taamna Nunavunmi Nunataarutinut Angirutit qulangnaitjutauyuq Inungnut pilaarutainut anguniaqnikkut laisiittumik piinnarialiutaittumiklu. July, 2003-mit tajjalu huli aulavaktuq, nutqaqtittihimakaffuktut titiraquiyunik hiqquqtiutinik laisiniktittiniqmiklu titiraqhimayutut talvani Hiqquqtiutinut Maligaqni anguniaqpaktunut hiqquqtiutikkut Nunavunmi.

NTI-kut ukpiruhukput taimaa maligaliurumik hiqquqtiutinut ihuariyauyughaq Nunavunmiunut pitquhiit ihumagiplugit atuqtauyughaqlu Nunavunmi.

Eetoolook Nunavunmiunik hivayaquiyuq Nunavut Maligaliuqtianut Leona Aglukkaq ihuinaarutait tuhaquplugit hiqquqtiutit maligaghaat mighaagut imaalu angiqhimaqulugulu huuhuiqtittiquyunik.

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: