Qilamik Aniguqtitauyughaq
(Fipyuali 4, 2025 – Iqaluit, Nunavut) Nunavut Tunngavikkut Timingat (NTI) Angayuqqaangat Jeremy Tunraluk aniguqtittihimayuq 2022-23-mi Ukium Nunngutaanut Naunaitkutanik Qanurininganiinik Inuit Ilitquhiit Inuuhiillu (SICS) Maligaliqiniq Nunavunmi: Ingilraaqnitat, Uplumiqnitat, Hivunighamilu. Taamna SICS-nut naunaitkutat pitquyauhimayuq ataagut Ilanga 32 talvanngat Nunavunmi Angirutit takupkaqtitauyughaq Nunavunmi Maligaliuqvingnit Maligaliuqvikyuamilu.
Nunavunmi amigaiqniqhauyut huiqpaktut paliihimanit munaqtauplutik Kanatami, ihuinaaqtullu amigaiqpalliavaktut ukiuq tamaat, kihimi, havauhiuvalluanguvaktuq amigaiqpaalliriamik manighautit qarritjiyaamiklu paliihimanik. Hapkua havauhiit aulattianngittut. 2021-mi qauyihautinit ilitturihimayut taimaa Nunavunmi avvait paliihimanit-munaqtauplutik huirutit 2000-mit 2020-milu anginiqhauyut nunaptingnit, 10-nguyunik tapitpaghugu nunaptingnit naatjuhiinit.
Taamna 2022/23-mi SICS-nut naunaitkutat paqittivaktuq ingilraaqnitanit paliihimmiqiyut Nunavunmi naunaiqhitiplutik taimaatut Qikiqtani Ilumuuqtunik Kamissinnauyut, katitirivaktut naunaitkutanik takupkaqtitaghait uplumiqnitanik pilraqhuutauyuniklu paliihimmiqiyunik uplumi, takupkaivaghunilu ikayuqtauyut qauyihautainit Nunaqaqqaaqhimayut maligaliqiyiit maliktauyullu Kanatami tamaat, ilittuqhitiyut ahinik maliktauyunik inmikkut ataniqtuqtuiyunik paliihimmiqiyut aulattiarnaqtuniklu.
“Ayuqnaraluaqhuni takupkaiyaamik pilraqhuutauyut maligaliqiniqmik Nunavunmi, iharianaqtuq ilittuqhitiyaamik ayuqhautaughaaqtunik ihuilutauyunik Inuit inuuhiinut havaqatigiighutiklu kavamatkullu RCMP-kullu taimaa Inuit amirnaiqhimayaamik nunallaaptingnit” uqaqtuq NTI-kut Angayuqqaangat Jeremy Tunraluk.
Hapkua naunaitkutat pitquivaktuqlu Inuit timiqutainut, aviktuqhimayumi kavamanit kavamatuqaniklu RCMP-kunniklu havaqatigiiliqtughat atauttikkut nuutpalliayaamik RCMP-kunnik ikayuqtiuvalliayaamik Inuit-hivuliqtiuplutik paliihimanik.
-30-
Tuhaqtittiyit Havaktia:
Ivaluarjuk Merritt
Aulapkaiyiryuaq Tuhaqtittiniqmik
Nunavut Tunngavikkut Timingat
