Nunavut Tunngavikkut Timingat Tuklia Angayuqqaaq James Eetoolook uplumi uqaqtuq taapkua qauyihaqtit kiinauyaqhiuqtunik iqalughiuquigamik taryumi Ukiuqtaqtumi qaangiqhugu talvani Ahiittuq Kiinauyaqhiuqnikkut Avighimaniit Ukiuqtaqtumi Amialikami.
Iqalughiuquhuiqtut taapkua pitquyauhimayunik Amialikami PEW Avatiliqiyit Katimayiinit ippaghaani katimatillugit taapkua Polar Ukiungat Montreal-mi. Katimayiit taapkua iqalughiuquillaktut kiinauyaqhiuqtunik taryumi qauyihaqpalliayumagamik imaqnik hiqumik taluhimavaktuugaluunik ukiuraaluk.
Eetoolook uqaqtuq taimaa NTI-kut havakpaktut huli havaqatihimmaarumaplugillu kavamatkullu parnaiyaiyumaplutik havauhighaqhiuqlutik iqalughiuqniqmut anngutighaqhiuqniqmullu Ukiuqtaqtumi.
Kiinauyaqhiuqhutik iqalughiuqniq Ukiuqtaqtumi, taryumilu, aulapkainahuaqhurumayait, ikayuqtighiiklutik Nunaqaqqaaqhimayut, hivulliutinahuaqhuaqlugit Nunaqaqqaaqhimayut akianiittut nunamiutallu talvani Ukiuqtaqtumi,” uqaqtuq Eetoolook.
