Nunavut Tunngavik Timinga Angayukaak Cathy Towtongie ublumi ukaktuk Arviamiut Vayda Kaviok, krat 12mik ilihaktuk John Arnalukjuak Ilihakviinit, takhihimayuk Angayukaakhak Ubluani takhipkainahuaktuni.

Takhihimapluni takhinahuaktunut, Kaviok ovalo ilakatinga tingminiaktut Iqalumut Nunavumi Ubluani. Kaviok tuniniaktuk takhihimayaanik titigakhimayainik pititlugit Nunavumi Ubluani aliahuktititlugit ovalo ikayukluni Towtongie havagutainik Iqalumi aliahuktititit.

NTIkut autlakhimayait takhinahuaktainik ukiumi ilauyukhanik aliahugutikhainik ilitagilugit 20mi ukiut Nunavumi Nunataagutit Angigutaanut July 9mi, 2013.
“Aliagitiaktatka Vayda ukautainik ovalo kiniktunga hivumut naalaklugit Nunavumi Ubluani,” ukaktuk Towtongie. “Pitkutitiaktuk taiguagiaganik titiakhimayait inuulgamiit nalungitiagami kingulianik NLCAmi. Nuutitigutait kinguanik NLCAmi pipkaihimayait inuulgamiit Inuit ovalo ilaa, inuulgamik Vaydatut piniaktut akhuugutikhait nunataagutit angigutaanut iniktigutikhait.”