Nunavut Tunngavik Timinga Angayukaak Cathy Towtongie ublumi tuhaktitiyut tuniyauhimayumik Jose Amaujaq Kusugak Ilihaktut Ikayugutikhainik ukiumi 2013. Anita Uuttuvak Mitimatalimit ovalo Bridgette Tattuinee Kangiklinimit tamamik piniaktut $5,000mik mikhaanut iliniagiakpaalivianut. Uuttuvak ilihaktuk hitamianik ukiumi Inikpiagutainik Iliniagiakpaagutainut Kagitaligiyiit Universitimi Ottawa. Tattuinee ilauliktuk hivumi ukiumi Nunavut Ilihaktiyit Ilihagutainik Pilihimayuit Arviami.

“Tamamik hapkoa uktukhimayut tunihimayut nakuutiaktumik titigagutainik ilanganut uktugutikhait. Tamamik ukakhimayuk akhuuniagutainik ilihaktainut ovalo hivumut nuutitigutikhait Inuit inminiigutainik ovalo tamamik pihimayuk tuniyauyut titigakhimayut nakuutiaktumik mikhaanut Jose iniktikhimayainut ovalo kingulianut,” ukaktuk Towtongie. “Kihimi hapkoak malguuk iliniagiakpaaliniaktuk pihimayut ukiumi 2013 tuniyauyunik, tamamik uktukhimayut akhut titigakhimayut. Ilaa, tugaatitinahuaktut katimayigalaat akhut naunaahimayut kitumik tuniyakhainik.”  

“Kovianagaaluk tamamik Bridgette ovalo Anita pihimayainik Jose Amaujaq Kusugak Ilihaktut Ikayugutikhainik. Ilakativut aliagikpiaktait tamamik aknait ovalo piyumayugut tamamik nakuutialutik ilihagutikhainut. Koana pihimainaganik Josep kinguligutait inuuhitjutainik titigakhimayanik ovalo ukakhutit kanuk atuniaktat ilihagutikhaini ikayugiaganik Inuukatitit,” ukaktuk  Pujjuut Kusugak, kitkanit ilakatiminut.

Tamaat 14kuyut ilihaktut uktukhimayut Ilihaktut Ikayugutikhainik ukiumi. Aipaa umiktigutikhait hamani Jose Amaujaq Kusugak Ilihaktut Ikayugutikhait July 9mi, 2014. Ilihaktut ilaukatauyut ovaluniit pilaaktut Ilaukataugamik ataani Nunavumi Nunataagutit Angigutaanut pilaaniaktut Ilihaktut Ikayugutikhainik.