Toninagiktukhak
(July 2-mi 2024-mi – Ikalokni, Nonavumi) Nonavut Tungavik Timeoyok (NTI) Nonanilo Inoet Timigiyaet tohaktitiyut ilitagiyaoyomik haviniganik Nonavumi Inoet Ilihakpalikvikhamik Havamik (IPSEP) tungavikaktomik notamik, ikayoktigenit ihoakhakhimayomik, Nonavumi Inoet Ilihakpalikvikhamik Havamik Pitkohikmik agiktaohimayomik NTI-koni Katimayini Hivolikhoktinit March-mi 2024-mi. Atoliktitauninga atauhip atuagap pigiarniaqtuq September 1, 2024-mi.
Kitikmeoni Inoet Katimayit, Kivalikni Inoet Katimayit, Kakivak Katimayilo tikoaktaohimayut Nonani Atoktitiyukhanik Havakveoyut (RDA-n) havami, pipkaevlotik ilihaktonik ikayutikhanik kahaktonik Nonavumi Inoenaknut homilika Kanatami.
“Ilihakpalikvikmi ilihaknik atogeakaktok Nonavumi Inoenaknit pivageagini ayogoegotinik atogeakaktonik hivolikhogeagani ukeoktaktok ublomi, akago, hivonikhamulo,” okaktok NTI-koni Ikhivaotalik Aluki Kotierk. “Atoknikateaktoklo NTI-kot ikayoktogeagani Inoet tamaeni ihoaktomiklo atokpaleatilogit ilihaknikmi inuyohikhamikni. Ikayoktigenit pivaleahimayok pitkohik maligoakhalo IPSE-mi havami ikayokneakmat atoktitagani Inoenaet ilihaktut ihomalugitagani manikhakhamiknik ilihaotimikni, kiheani ihomagiyakageagani atoteakniginik ilihakpalikvikmi ilihaotigiyatik atoktatik.”
IPSEP-mik havaohik pihimayok ikayogeagani amigaegeagani Inoet ilihakpalikvikmi ilihaktut amigaenigini ayikeligeaganilo nonakakagitut inoet Kanatami atoktaenik. IPSEP-goyok pipkaeyok ikayutikhanik ilihaktonut pigahoni pigeagotini: Maniknik Ikayutikhanik ilihaligeami, inuyohikmi akiligakhani ahenilo akiligeakaktoni piyotikaktonik ilihakpalikvikmi ilihaotimik; Ikayutaoyok ilihagoegagat ikayoktikhamik okaoyiyukhamiklo; Nonagiyaoyoklo Upipkageagani tohaktitiyaganilo.
IPSEP-goyok manikhaktitaoyok umanga amihoni ukeoni atoktakhamit Nonakakaktut Ikayutaenik Kanatami (ISC). Makigeakta Inoet Ayoekhayotilikiyit Koapareseoyok okagekhimayulo ikayoktogeamikni 5-mileatalamut 2023-mit 2025-mut ihoakhiyagani manikhakhani togaotiyotit havami atoktaoyonik amigaetonit atoktaoyomaniganit havak. NTI-kot RIA-lo pikoehimaliktut ISC-kot tamat manikhaktitagani IPSEP-goyok.
Taemaeligeaktinago, NTI-kot akhugotikaenakneaktut ilageagotikhanik manikhakhanik havami atogeagani tamaeta Nonavumi Inoet ihomagiyakaktut atogeagani havak ikpigiyakageagani ikayoktaonigiyamiknik akhugotimikni ilihakpaligeatilogit ihoakhivaleaniginilo inuyohiktik.
Nonavumi Inoenaet ilihaktut piyageakaktut hivonikhivaligotikhanik IPSEP-mik akhukhaktaoyut okakvigiyagani RDA-giyatik ukonani:
Kitikmeoni Inoet Katimayit
Hivayaota: (867) – 983-2458-mi oegoani 1013-mi
Aketomik hivayaota: 1-833-854-0062-mi
Kagitaoyami titikilvea: https://www.kitia.ca/contact/ -mi
Kivalikni Inoet Katimayit
Hivayaota: (867) – 645-5725-mi
Aketomik hivayaota: 1-800-220-6581-mi
Kagitaoyami titikilvea: https://www.kivalliqinuit.ca/contact-2/ -mi
Kakivak Katimayit (Kigiktalokmi Nonami)
Hivayaota: (867) – 979-0911-mi
Aketomik hivayaota: 1-800-561-0911-mi
Kagitaoyami titikilvea: https://www.kakivak.ca/en/contact -mi
-30-
Tohaktitilikiyit Okakvikha:
Ivaluarjuk Merritt
Hivolikhokti Tohaomayotinik
Nonavut Tungavik Timeoyomi
-mi
