Nunavut Tungavik Timeoyok, Kavamalo Nunavumi uplomi haavitiyun iloengaomayomik ataotigukniginik ilihaotikhanun ihoakotimik ikayutaoyomik atokniga nutaam Ayoenikaktun 9-mik inoen inuyuhenik ilihaotikhanik piyunmi. Ilihaotikhak piyunmi ayokiktogeagani sikuktun kavamakateaknikmik atoknigalo Kanatami vutiktolikiyotinun aolanik, ihomagiloakhogin NTI-kon vutiktolikiyohen.

Ihoakun sikuktitiyim maligagakhaa ilakaktok hunaniklikaa Nunavumi Nunataknikun Agikatigegutaoyomik, NTI-kon maligalikinikun kanoginiga, Kanatami vutiktolikiyotinun aolanigin, Maligakyoaklo Ihomakhutinik Atoenageakakniginiklo. Maligaogakhan ilakaktoklo akitakotaotikhaenik Ayoenikaktun 9-mik sikuktun. Sukuktun ilaoyun akitakotaotimi ihoakhaevaktun kagitaoyami kitunulikaa ikayutikhanik tohaktiyotinik okateakniginik vutiknikun NTI-koni vutiktolikinikmi.

“Kuveahuktoga haavitaagani una ataotiguknikmi hulilogaagun Kavamalo Nunavumi uplomi,” okaktok NTI-koni Angayuqqaangat Cathy Towtongie. “NTI-kon nahogiyun una piyotaoniganik Nunavumi sikuktun tungavikhateamik tukiheayaagani atoknikateakniga vutiknik tutiktitiligaagata, tukiheayotiniklo aolaniganik Nunavumi Nunataknikujn Agikatigegutim timigukpaleanigalo NTI-kon.”

“Hakugikhivaaligeagani ilihaknikun atoktakun havaagiyaoloagumayok umanga kavamanin,” okaktok Ministaoyok Ilihaktolikiyini, Paul Quassa. “Ihoakhaenik nutaanik ilihaotikhanik okateaktomik kanok aolanikaknigiyaptiknik nutaami inuyuhikmi ikayoktoklogilo sikuktun tukiheateageagani kanogilivaleanigagun Nunavut piyotaokman upiyotimik atoknikateaktomiklo ilihaknikun kaoyimayakhamik.”

Una ikayoktigektun ihoakotikhaleagan haavitaoneaktok sikukvikni ukeakhak, atoligeaktinagu NTI-koni tukleanik ikhivaotaleom vutiktitiyotin December 8-mi, 2014-mi.