(March 26, 2020 Iqaluit, Nunavut) NTI-kot kahakhihinialiktut maningnik $1.25 miliantaalamik hailiniaktuk Nunakakkaahimayonut Ekayootaoyoghak Nunalingnut Nunavunmi hamilatkoginnot Inuinnait algamingnik oakatakpaligiaginni.
“Imak Inuinnait Pinnagiakaotigikmajok,” okaktuk NTI-kot Anggayokaagat Aluki Kotierk. “hamna pinagiotiginahoaklakiliktakot nunalaani Inuit algatik oakatakpagiaginni annialakitailinahoaktolik ANNIAGOT 19 pttailinahoaklogo inungnut.”
NTI-kot havakatiginiaktait Nunavunmi Hamitalkgitigot Katojikatigiigit. Nunaliit maniit atoktaghaginiaktaat tamaita eklokaktot obloknik tamaat emiktakviovagiaginni Esitakvik tatkighiot atoktillogo, imaalo amigaitot havaktighakpaaligiaginnit hamilatkot, onnoakhioktighainikl aghaloohikiyighanik, ovataigotigiyainot havaktot akigiyaoloni aghalotillo imiktaotit ehoakotighainik niovgotaovagiagani.
“Nunallit hivolioyot hamna anniagot ovaptiknot tikittailinahoakhogo,” okaktuk Kenny Bell, Anggayokaat NAM-kot. Koanagaalok ekayoktaogapta NTI-konnitelavot nunamingni ekayootighaitigot obloni atoktaghaptikni.”
Amigaitut Inuit emakilioknikmot oakatagoikpakmata eklomingniklo halommakhitighailioknikmik emaigotiyomanggillamot eklomioyot ataohikmi enogiakpakpata nutagagiit elagiit taimaitomik hamna manik hapkononggaa ekayoghiotiniaktuk, eklomingnik halommakhijotaonialikmat. Eklokpaitlo kagiagiakhiyiit emaigotikataktookmata. Ona ANNIAGOT 19 halomaligomik eklokaktot annialakitaijotigilikniaktaat. Hamna emakilikniok nunalingni ayoghaotaolikpakmat tamainnut Nunavunmionot Inuinnaqnut pivalaak.
NTI-kot pinahoakoyait Nunavunmiot inuit tamangmik kaklivalaaktailinahoaklotik kitonotlikaa, algataiklo oakatakpakoplogit tatjago tatjago.
-30-
Imaililakikmat
March 25-mi, Kavamatokatkot haililiktitkmata maningnik $82 biliantaalamik opalongnaktolikijotaoyoghak annialakitailijotaoloni atoktaoyoghak ekayootaolonilo. Hapkonongga pihimaniaktuk $305 miliantaala Nunakakkaakhimayut Nunalingginnut ekayootaoyoghak inungnut tamainnut nunaliit ehagiagilikmajok.
Kaanatamionot, Inuinnaktuk haavitaoyok atoktaghaat $45 miliantaala.
March 25-mi, ITK-kot Katimayiit anggikatigiiktot onagook $45 miliantaalaavgokniaktaat tamainnut Kaanatami hitamanut Inuit Nunangganiittonut: Nunavut, Nunavik, Nunatsiavut okononggalo Inuvialuit Nunangganut, maliklogo ITK-kot okagiikhimayaktik atoktaghatik. Hapkoa maniit tonighaktaoniaktut hitamanot Inuit katojikatigiiginnut.
Nunavutmot piyaghak 52%-posangganik $22.5 miliantaala.
On March 25-mi, NTI-kot Katimayiita avgoktaat nunavunmot Nunakakkaakhimayonut Ekayootighak imaatut avgoktaat:
Urban Inuit $2,505,000-taala
Nunavut Tunngavik Timinngat. $6,012,000-taala
Qikiqtani Inuit Katojikatigiigit $6,132,544-taala
Kivalliq Inuit Inuit Katojikatigiigit $4,341,223-taala
Kitikmeot Inuit Inuit Katojikatigiigit $3,554,233-taala
-30-
For more information, please contact:
Malaya Mikijuk
Acting Director of Communications
Nunavut Tunngavik Incorporated
Tel: (867) 975-4900 Toll-free: 1-888-646-0006
www.tunngavik.com
Qajaaq Ellsworth
Senior Communications Advisor
Office of President Aluki Kotierk
Tel: (867-975-4900 Toll-free: 1-888-646-0006
www.tunngavik.com
