Pivalialigiyit Havakviit

Kavamatkut Nunavumi Ikayaungitait Inuit Umayut Inmiiigutainik

Nunavut Tunngavik Timinga Angayukaap Tuklia, James Eetoolook ublumi ukakhimayuk Kavamatkut Nunavumi pitkutainik hanatjutikhait ataani piyumayait naunaiyautaaaiiit tuktuit Salliqmi amigaitjutainut. NTIkut ovalo Nunavumi Umayuligiyit Katimayiit apigihimayait GNkut ukaklugit pitkutainik mikhaanut ataani piyumayait naunaiyautainik amigaitjutainik talimani ukiuni. GNkut tunihimayait pitkutainik pihimaliktait NTIkut ovalo NWMBkkut.

“GNkut pitkutait tamaktitailingituk. Kihimi, keelinikaktuk Inuit inminiigutainik hivulimik pilaaktainik tuktunik hanahimayut Nunavumi Nunataagutit Angigutaanut. Hamna akhut piyumangitavut,” ukaktuk Eetoolook.

Nani tamaat pilaaktait umayukhiulaaktainik hanakpat kitunut umayunut, NWMBkut piniaktut naunaiyaklutik Inuit inmiiigutait hivuliulutik pilaaktainik tamaat umayukhiulaaktait umayunik. Hamna taihimayut ataani piyumayait naunaiyautait. Atukhugit pitkuhimayainik NLCAmi ovalo tuhaktihimayut Inuit umayukhiukhimayait katitigutainik tunihimayut Nunavumi Umayut Umayuligiyiit Ihivgiuktitlugit, NTIkut uktukhimayut ataani piyumayait naunaiyautait Salliqmi tuktuit amigaitjutait ililugit hanianut 4,325mik tuktut ukiuk tamaat. GNkut uktugumayut ataani piyumayait naunaiyautait hanianut 1,906mut tuktut ukiumi.

“Ukagumayunga hamna akhut ovalo pitkutainik: Inuit umayukhiuktit Salliqmi, Naujaami, Igluligaarjumi ovalo Kangiklinimi tamalaaktait pilaaktainik amigaitumik hanianut 2,400mik tuktut ukiuk tamaat. Kavamatkut uktuliktut keelinikalugit Inuit inminiigutait aivakhimayut ovalo munagiyauyut NLCAmi,” ukaktuk Eetoolook. “Hamna kingulimungauliktuk. Hapkoa inminiigutivut, munagiyauyut NLCAmi ovalo GNkut uktugumayut munagilugit Inuit umayukhiugutainik Inuit tiguhimayainit ovalo tunilugit kavamatkunut. Inuit apigilaitut pilaaktainik kavamatkunit umayukhiugiaganik tuktut,” ukaktuk Eetoolook.

Eetoolook ukaktuk pigumik ataani piyumayait naunaiyautainik hanagumik, pikangituk iluani NLCAmi aalangulaagiaganik. Hanahimayut mikhaanut Inuit inminiigutait. Ilitigutait ataani piyumayait naunaiyautainik 4, 309mik munagiyaanganik Inuit pilaaktainik tuktuit Salliqmi hivunikhainut amigaitjutait amigailigumik ovalo amigaitjutait Inuit amigailigumik. NTIkut akhut ukpigiyut nakuungituk GNkut Avatiligiyit Ministait pilutik keelinikhainik Inuit inmiiigutait pilaaktainik tuktuit hivunikhaini.

Hamna tuninialiktuk NWMBkut Inuit naalaktigutainut Iqalumi June 3mit 4mut, 2014. Inikata naalaktiligiyut, NWMBkut anginiaktait hanatjutainik ataani piyumayait naunaiyautainik Salliqmi tuktuit amigaitjutainik. Taamna angigutait tuniniaktut GNkut Avatiligiyit Ministainut Johnny Mike upingaami angigiaganik ovaluniit angingigiaganik.

Ublumi, NTIkut ihumaliktut tamamik pilaaktainik, ilauyut akigaktuklugit GNkut ihumafaangitpata pitkutainut hamani Inuit inmiiigutait NLCAmi.

Hivunikhivigenagealik:
Nunavut Tunngaviup Timinga
Hivayautaa:
Hivayaut akiittuq: