(Esitakvik 25, 2022, Iqaluit, Nunavut) Nunavut Tunngavik Timinngat (NTI-kot) naonaiktitiyut ehoigohokhotik Nunavut Kavamaita pigiaktihimayaannik hiogoyaakniaktogiplogo NTI-kot Piyogijotigiyaanik Ajigiingginagiakaknighaitigot Piinnagiakaotigiyainik Inuinnait Nutakat Enoohoktollo Angnagottillo (“Piyogitjotaoyuk”) imaa 15-miituk Kaanatap Pikoyakyoanggani Piinnagiakaojotaoyomot Koyaginnaktoknighamollo (“Pikoyakyoak”).

Aktopa 13-mi, 2021-gotillogo, NTI-kot, alaniklo pikatikakhotik kivgaktoiyonik Inuinnaknik angayokaagoyonik sikooktootikaktut nutakamingnik apighoiyitigooktitinahoaktonik, pinahoakhotik  ehoaghakoplogo ona Elihaktoliginikmot Maligak ovalo Inuinnait okaohiitigot hapommijotaonahoaktuk Maligak, Nunavut Kavamait holi naggohootikagaaginnaktut Nunavunmi Inuinnaknut Inuinnaktut okaohiitigot elitkohitokaitigolo elihaotaoyoghanik atoktaghakanggittotik, taimaitomik ehoilijotigihimayaat okagiikhimayomik malikatinggillamot hapommijotaoyoghamot pikayoakyoami piinnagiakaotaohimayomi Pikoyakyoami. Esitakvik atoliktillogo 4-gongtomi 2022,   Nunavut Kavamait pigiaktitijotigihimayaktik piikoplogo (“Pigiaktitaohimayuk”) NTI-kot Nunavunmi Apighoiyitikgookohimayanut (“Apighoiyit”) oavlo taimaatut pilotik,  Nunavut Kavamaita tlivait Apighoiyit taimaakoplogit tamaat Piyogijotaohimayuk Apighoitigookhimaitkaloaklonigook tohakhimaitomik apighoiyitigookoyaohimayoogaloak.

Pigiaktitijotigihimayamingni imaa okakhimayuk, Nunavut Kavamait Inuinnainggook piinnagiakaotighaitut Inuinnaktut elihaotaoyoghanik, talvagook kihimi pikoyakyoatigot piinagiakaotaoyok okaohiktigot Kaanatami mikinighaoyotigot togaagayok okaotinot Kablonaatut OkkakloktonolloIn, imailinggagaloaktillogo Inuinnait 85%-posangganik amiktilaakaktillogit talvalo  94%-posanggoplotik Inuinnait sikooktut Nunavunmi. Atoni nunani aviktokhimayonit Kaanatami, Sikooktot Anggayokaanggillo ayoghaotikaknggilakivot Kavamaliginikot.

“NTI-kot tiliogihimmaaktut Nunavut Kavamainik hakogikhivaaliktitinahoakoplogit Inuinnait elihaotigiyaghanik tamainni sikookvikni Nunavunmi.  Kihimitaok, Nunavut Kavamait okakhimayonggook imaa, Inuinnaktut elihaojinighak nakogotiotilimaittogiyaat Nunavut  sikookviita atoktagiyaini, talvalogook Inuinnait elittogiyaghagiliktaat ajikohiotilimaittogonggoook okaktut,” okaktuk NTI-kot Anggayokaagat  Aluki Kotierk.

Talvalo Nunavut Kavamait okaktut “pihimayankanggittogiplotik” atanniktoijotighamingnik atoliktitilimaitogiplotik maligaghanik piyamingnik, naggohootaolikniakalloniit Inuinnaknut, ovalo ehomaliogotigiyaghamikot okaohikmik elihaotiigiyaghainik inuinnaknut nutakanut , malikhogo Inuinnait avaotigihimayainik hangginighap mighaanot okaohiknik elihaktitijotaoyoghanik Nunavut Kavamainut.

“Nunavunmi Inuinnait nigiogiyakaktut Nunavut Kavamainik, enigiiktaohimakmat Nunavumik Nunataagotaoyomot Anggikatigiigotaoyomi, ehoaghijotaoniaktuk Inuinnait piyomayainik tamainni elihaktoliginiop mighaanot atoktaghanik Inuinnait okaohiinik elihaotaoligianggani. Nunavut kavamaita pigiaktitijotigihimayaat pilloijijotaoyok imaa Inuinnaingook ajikohiotijotighamignik piinnagiakaktoghaogaloakmata nakoatut elihaotaoyoghanik talvalo nakoatut atoktaghanik pihimayakaligiaginni Inuinnait okaohiinik elihaotaoyoghanik pilotik. ” okaktuk NTI-kot Anggayokaagat  Aluki Kotierk.

-30-

 Naonaikpaaligomagovit ona okakvigiinnagialik:

 Malaya Mikijuk

Ataniat Tohagaghalikiyini elihaktuk

Nunavut Tunngavik Timinngat

Okaotaa: (867) 975-4900/Akiligiituk: 1-888-646-0006

Taimanggaanit: Inuinnait Okaohiinik Elihaojiyoghaoyot

• Nunavunggokkaaktillota 1999-mi, Nunavut Tunngavik Timinngat katimavikyoagaagamik amihonik pigiaktitivakhimaliktut atolikoyamingnik okioni 1999, 2000, 2003, 2004, 2005, 2006, 2007, 2013, 2016, 2017, 2018 2019-milo, tilivakaloakhogit Nunavut Kavamait  pitkoyamingnik imaa;

-pitkoplogit Inuinnaktut elihaktititkoplogit sikookvikni sikoolihaakningginnit Grade 12-mot,

-takigook elihaktoliginik pikahiojitkoplo anggayokaanit aolapkaktaolikoplogo elihaktoliginik,

-takigook elihaotighat elihaotaolikoplogit Inuinnait okaohiinik elitkohitokainniklo,

-takigook Inuinnaknik sikooktitiyighanik ekayokoplogit sikooktitiyinik ayoighajotaoyoghanik, Inuinnakniklo sikooktitiyighakpalikoplogit 

• Ehomaalootaoloaktut tohakhimaliktavot inungnik katimatpkaivakhota 2018-gotillogo tamainni Nunavut nunalaaginnut polaaktaotiptikni hapkoa tohakpaktavot;

-Inuinnaknik sikooktitiyikanggitpallaaknikmik, Inuinnaillo sikooktitiyit ekayoktighailiolikpakhotik, ayokiktoktaoyoitotiklo, sikooktitiyionighaitigot, Inuinnakniklo sikooktitiyighanik havaktighayoitotik,

-Inuinnaktut elihaotighanik pihimayakanggitto atoktghamingnik, ekayootighanikloniit Inuinnait sikooktitiyinut, ehoaghailimaittotiklo elihaotighanik Inuinnait okaohiinik elitkohitokainniklo, talvalo nanminik okaohiinik ayoigomayainnik,

-Pinahoayoitpiakhotiklo ayoighajiyoghanik eningnitokaknik elihaktitiyioyoghaogaloanik

-Anggayokaatlo nunalingnilonoatkatigiit pipkaktaolimaitotik hivolikhoilotikloniit elihaktoliginikmot elihaktoligiyillo katimayiitigot (immakaa, e.g. school programs, tamatkiomatiyomik piyaghat eliahktoliginiop mighaanot imaa, sikooktitiyit atanighaanik havaktighaktiolotik, tatkighiotitigot holiyaghanik alaniklo), atanniktoinighakollo ayoghaotikainnakhotik ekayootighakatianggittotiklo,

-Ayoghaotikainnakhotiklo sikooktut sikoogotigiyamingnik eniktiginahoakhotik sikookvikni, elihagiakpaaliknighamollo, pivaliayoliginikmollo havaaghakhioknighamollo enoohiliginikot ayoghaotikaknikmiktigot ekayoktigiikatangginnikmollo ayoikpaaligahoagotigiyaghamikot sikoogiakatayoitotiklo

• NTI-kot tonihiyut nanminik Nunavunmi Elihaktoliginikmot Nutaamik Maligakmik okiaghami 2019-gotillogo, Aktopami ehoaghaotaoyghamik Maligakmot 25, Maligaop ehoaghijotighaanik Elihaktoliginikmot Maligaoyomot Inuinnaillo Okaohiinik Hapommijotaoyoghamot Malikakmot, ona toniyaohimayuk Nunavut Kavamainut hivoagot anggiktaotinnago Maligaghak 25 Nunavut Maligalioktiinit Aktopa 2020-mi. Nunavunmi Elihaktoliginikmot Nutaak Ehoaghakhimayuk Maligak pihimalakiyok elihaktitijotighak Inuinnaktut okaohiinik sikoolihaakningginut nutakat Grade 12-mot,  Inuinnaknit elihaktoliginik atanniktoktaoliotaoyoghaoloni Inuinnaillo okaohiitigot elitkohitokaitigollo elihaktitinighak atanniktoktaolikloni elihaotighallo Inuinnaknit ehoaghaktaovaliklotik pihimaligianggani, ovalo Inuinnaknollo Havaaghakhioknighamot Opalonggaiyaotaoligianggani ehomaghakhiotigiyaghaat Nunavut Kavamaita elittogijotigiyaghaat, havaktighakpakoplogillo Inuinnaktut okayoktonik sikooktitiyioyoghanik pihimatkoplogillo.

• Okaalaotaohimayuk piyogijotaoploni imaa Nunavut Kavamait pionggittogiplogo ajigiiktitinighakot piinnagiakaotaoyoghat ehoigijotigiplogolo naggohoktigiyaitigot Inuinnaknut sikooktotonut atokoiplotik tatja sikookvikni elihaotaoyonik hapkoningga okaotinik Kablonaatut Okkakloktollo okaohiinik, talvalo pionggittogiplogit nanminik okaohikmiknik elihaotighaniklo piyomajotigiyainik Inuinnait okaohiinik elittkohitokainiklo elihaotaoyghanik piyomakmata imaa naggohokhimaitomik:

a) Ehomaalongnakhitiploni aolapkaktailijotaoyoghamik, taimongga atoktaohimmaaknighaanot Inuinnait okaohiit atotaoligiaginnilo elittohitokailo aolanggittaaginni; ovalo

b) Ikpiknakhitiyut ayonggijohiinut sikooktut Inuinnait elihaktamingnik eniktiginahoagotigiyaitigot, talvalo holi elihagiakpaaliotighaitigollo ayongnakhitivaliaginnakhoni havaaghakhioknighaitigollo manighioliknighainollo opalonggaiyaotigiyaghainot.

• Okoaka okaalaotikakhimayuk piyogijotigiyaoyokot ehomaghakhiotiginiaktait Kamisinanggoyop Nunavunmot omalo Maligaligiyikyoap kivgaktigiyait Nunavut Kamaita, NTI-kot Inuinnait anggayokaagiyait sikooktut Nunavunmi tatkaanikmiotigot elihaktoliginikmot atoktitinahoaktut.

• Okaalaotaohimayuk piyogijotaoploni apighioyigigookniaktuk Nunavut Apighoiyiinit naonaikhinahoaklotik atoklogit apighoiyit-havaagikmajok nakatkiknahoaklogit Nunavut Kavamait malikayaghainik pilotik hapkoningga,

a)Hanakilotik atoliklogolo opalonggaiyailotiklo okakatigilogit NTI-kot siksit tatkighiotit naatinnagit apighoiyitigookhimalingningganit tilihijotaoyot,

b) Hakyaikhilotik Inuinnait okaohiinik elihaotaoyoghanik sikooktonit grade 4-minggaat grade 12-mot okiot tallimat naatinagit apighoiyitigookhimalingningganit tilihijotaoyot,

c) Apighoiyinut tohaktitikataklotik kakonggogaikpat havaagiyamingnot kanogilivaliajotaoyonik eniktigijotigiyamingniklo atoliktaghanik opalonggaiyakhimayamingniklo Inuinnaktut okaohiinik elihaotaoyonik.

• Naliakoogotaoyoghamottaok, okaalaotaohimayomot piyogijotaoyokot piyomangmiyut anggigotaoyoghamik ehoaghaotaoyotigot maligaknik togaagayomiktitigakhimalogo Inuinnait okaohiitigot sikoogotaovaktonik okiokmot 2039-mot atogaaktokhamik pitjotigiplogit naggohootaovaktut Inuinnait sikooktut anggayokaangginnut nakoatooliknighanot pihimaligianggani.

• Holi Nunavut Kavamait okaalanggittut akigaktoijotigiyaghamingnik kiologit NTI-kot Okaalaotigihimayainik piyogijotigiyainut Aktopa 13-gotillogo 2021-mi talvalo ehoaghaijotigitkoyainik titigakhimakmata January 28-mi, 2022.

Download (PDF, 240KB)