Nunavut Tunngavik Timinga Angayukaak Cathy Towtongie ublumi takupkaihimayuk Ukiuk Tamaat Tuhaktakhat Kanugitugutait Inuit Inuuviviniit ovalo Inuukatigiit, taihimayut Nunavumi Inuit Aniaktailigiyit Ihivgiugutait: Nalungitakhait Pitkutainik ovalo Kinguliit. Hamna tuhaktakhat pihimayut ukiunginik 2011/12 ovalo 2012/13.
Nunavumi Inuit Aniaktailigiyit Ihivgiugutait (NIHS) havakhimayait amigaitut ilaukatauyut hivuliuplutik Kavamatkut Nunavumi (GN), McGill Universitimi ovalo NTIkut 25mi nunait ukiumi 2007/08, ovlao tunihimayut inikpiakhimayumik tuhaguitkhait mikhaanut ukpatainik ovalo kagitainik aniaktailigiyiit kanugitjutait Inuit. Hamna tunihimayut nutaamik ovalo inikpiakhimayumik nalungitakhait ovalo ikayugutikhait hanahimayut nakuuyumik Inuit aniaktailigiyiit pikuyakhait ovalo ikayugutikhait nakuuhiyaanganik Inuit aniaktailigiyit iniktigutkhait.
“Hamani ukiuk tamaat tuhaktakhani, NTIkut ilihimayait NIHSmi nalvaakhimayait kinguliinik, inuligiyiinik ovalo palitiksnik ilanganut atuniaktainik nalvaagutttiiikhait atuniaktainik Inuit ovalo pikuyaliuktit. NTIkut ilauyumayut hivunikhainik ihivgiugutait ikpinagilaaktainik nunainik. Inuit ilauyukhat atanguyaulutik ihivgiuktuni pivaktainik nunainik piyaanganik ikpinagiyautainut ovalo atutiagiaganik ovalo nakuuyumik inuuhiptinik,” ukaktuk Towtongie.
Tuhaktakhat pitkuhimayut aalatkiiktut, ilauplutik pikuyakhait atulaaktainik ilauyut piyumayait inikpiakhimayut pilihimayuit ikayugiaganik nutagait ovalo munagitainik pitkulugit ilakhainik nutaamik maligutikhait ovalo pikuyakhhhaaait pipkaiyaanganik Inuit Nunavumi munagiyaanganik ihivgiukhimayut.
Ukiuk tamaat tuhaktakhat ukiuk tamaat pitkuhimayut Ilangani 32.3.4 Nunavumi Nunataagutit Angigutaanut. Pitkuhimayut NLCAmi Ilangani 32, tuhaktakhat tuniniaktut Nunavumi Maligaliukviinut ovalo Kanatami Maligaliuktiinut.
